Datasets:

gentaiscool

/

nusaparagraph_topic

like 0

2212

Saban orang ngêmilikin pêrsèpsi bêrbèda wayah ngêdêngêr katè liburan. Apè gè pêrsèpsinyè, katè liburan sêlalu idèntik amè pêrasèan sênêng, sêmangêt, amè bahagiè. Bukan rahasiè lagi kalo liburan cakêp buat kêsèhatan pisiklu. Liburan jugè baèk buat kêsèhatan mèntal êlu. Banyaknyè gawèan sêari-ari kagak jarang ngêjè êlu kudu bêradè di kantor sêarian ampè kagak sêmpêt kêtêmu matèari, apèlagi nikmatin udarè sêgêr. Nah, wayah pêrè, êlu bisè punyè waktu buat nikmatin udarè sêgêr amè sinar matèari. Udarè sêgêr ningkatkin oksigèn dalêm darah êlu ampè ngasih lêbih banyak ènèrgi. Sêlaèn ntu, bêjêmur di bawèh sinar matèari bisè ningkatin suasanè ati amè ngêbantu êlu nangkal dèprèsi. Èmang ruang kêbukè ijo di pêrkotèan amat pênting kagak tibang pêranti mêrbaèkin kualitas lingkungan dalêm artian pisik, tapi jugè kêbukti bisè ngêbantu mêrbaèkin kualitas pikiran manusiè dari bêban pikiran sêrtè ningkatin krèatipitas sêsêorang.

slice of life

3494

Sejak Juli 2021, perekonomian di Indonesia ntu kembali bangkit secara signifikan. Faktanye ntu kagak terlepas dari berbagai faktor, salah satunye tren belanja online di marketplace. Potensi yang besar pun membuat orang-orang banting setir dengan berjualan produk di platform tersebut. Di sisi lain, kite juga perlu mengantisipasi hal-hal seperti persaingan tinggi, dan kebutuhan konsumen yang cepat berubah. Strategi jualan online di marketplace pun diperlukan untuk menghadapinye. Penerapan strategi jualan online di marketplace yang sesuai turut membantu pertumbuhannye di Indonesia. Namun karena bejibunnye pengaturan teknis serta berbagai jenis promosi yang ditawarkan masing-masing marketplace ntu seringkali memakan waktu, dan membuat bingung para pebisnis online dalam menentukan strategi. Disinilah peran jasa optimasi marketplace hadir untuk mengisi kekurangan tersebut agar bisnis online berjalan secara tepat, dan efisien. 

business

8938

Ngomongin soal makanan atawa minuman yang didemen ama digedekin, biasanya bocah pada milih-milih banget kalo makan. Banyak yang demen ama satu makanan minuman ampe dimakan bekali-kali. Ada juga yang gedek ama makanan minuman, ampe kagak mau buat masuk mulut. Kalo udah begini, jajanan dijadiin pawadan. Bocah-bocah pada demen banget rasa-rasa yang manis, kayak permen ama minuman coklat. Kalo bocah-bocah ini pada aktip, pada demen kedekeran, sih, kagak papa. Yang jadi masalah, kalo bocah pada demen manis gitu, tapi pada diem aja ngedekem di rumah. Bisa-bisa malah jadi kena penyakit. Belom lagi, abis makan minum manis kagak diimbangin cepet-cepet buat gosok gigi. Ini juga berabeh. Bisa-bisa giginya cepet pada rompang. Kalo udah gini, emak babanya kudu punya siasat biar bocah bisa jaga makanan.

food & beverages

2272

Soto betawi adalah ganyeman yang menjadi gacoannye warga Jakarta. Warna kuahnye yang pekat warnah putih kekuningan, putihnya kuah ntu soto dari santen atau bisa juga susu. Bikin ntu makanan bumbunye lumayan banyak, yang utamanye ada daging sapi dengan potongannye bentukan dadu, ada juga yang pake paru, dan babat yang bertekstu bikin yang pade ngegares makin ajib dah ngeganyemnye. Pake kayu manis, kayu manis salah satu jenis bumbu yang warnanye coklat, dan bentuknye kaya kayu tapi kecil makanye namanye kayu manis. Pake bawang putih, merah, dan masih banyak lagi dah bumbunye, bumbunye ditumis sampe berwarna abis ntu dicemplungin ke air yang udeh digodok barengan sama ntu daging, masak dah sampe empuk, dan warnanye ntu kuah udeh cakep, abis itu digaresnye pake emping sama perkedel makin nikmat dah.

food & beverages

8261

Aye udeh lama bener kagak naek busway, akhirnye aye pas mau naek busway lagi udeh lupa dan kagak tau kudu gimane apelagi waktu entu aye naeknye bareng empok aye. Tapi akhirnye aye pun tetep coba. Nah cara buat naek transportasi umum busway, pertama entu aye ke halte busway-nye. Terus aye pun nge-tap kartu transportasi, terus muncul tanda silang merah. Ternyate saldonye kagak cukup. Aye belom ngisi saldonye lagi karena udeh lama kagak dipake naek busway, aye jadi kagak ngeh, hehe. Terus setau aye tuh dulu bisa ngisi saldo di loketnye, tapi ternyate sekarang udeh kagak bisa. Akhirnye, aye pun kudu nyari mini market terdekat buat ngisi saldo. Abis entu, baru aye ke halte busway lagi, tap kartu transportasi, nanya busway mane yang kudu aye naekin buat sampe ke tujuannye aye, nunggu busway-nye, dan pas busway-nye aye muncul, aye naek deh, dan akhirnye berhenti di halte tujuannye aye, abis entu tap kartu keluar. Nah entu die cara naek transportasi umum busway berdasarkan pengalamannye aye. Elu kalo mau naek busway, jangan lupa cek saldo dan cara naeknye ye!

slice of life

430

Padè suatu ari sêorang ustaz naèk pêrahu kê pêdalaman. Di sano diè kêtêmu sêorang babèh-babeh nyang udèh punyè bini. Babèh êni nyêsêl karna kagak ngêjadi laki nyang baèk buat bininyè. Ujug-ujug babèh ntu nangis. Diè bilang kalo diè udèh lamè kagak sêmbahyang, dêmên ngomèl, amè kagak opèn kêpadè bini. Diè bêniat pèngèn bêrobah amè mêrbaèkin hubungan dêngan bininyè. Takdir Allah, bini babèh ntu ngabarin ustaz. Diè cêritè kalo ujug-ujug lakinyè ngêdêkêp diè sêmbari nangis. Lakinyè jugè mulè sêmbahyang. Bininyè sêlamè êni sêlalu ngêdoain lakinyè supayè dikasih hidayah. Diè sêlalu bêdoa supayè Allah ngêbukè atinyè. Sêtêlèh dêlapan taun, akhirnyè lakinyè sadar. Bêtapè dahsyatnyè kêrosaan doa bini nyang baèk amè penyabar, yakni doa bini nyang sênantiasè ngêjagè hubungannyè dêngan Allah Swt.

religion

8472

Olahrage aer kagak selamanye kudu nyemplung ke dalem aernye. Bise juge nunggangin alat nyang ngelewatin ntu aer, tapi ade tantangan kek batu-batuan, arus deres, dan semacemnye. Kalo kepengen nyang kek gonoh, bisa bangat cobain olahrage arung jeram. Kek namanye, olahrage enih berarti ngarungin ato ngelintasin aliran aer nyang deres ame gerojogan, biasanye aer terjun nyang di sungae. Aktipitas alam ekstrem enih udeh ade dari abad ke-19 dan terus bekembang ampe akhirnye diakuin sebage sala atu cabang olahrage, walopun masuk ke kategori ekstrem. Alat nyang dipake perahu dari karet nyang biasanye bisa masuk due ampe lime orang, terus cara jalannye make dayung nyang diserok-serok ke aer ame pengemudinye ato ame semue nyang di atas perahu. Masup ke kategori ekstrem gegara kudu ngelawan arus deres dibarengin ame rintangan bahaye laennye, kek batu gede, batang ame akar po'on, dan sebagenye. Tapi, enih olahrage urup buat dicoba minimal sekali seumur idup. Jan lupa, bari ditemenin dan dipandu ame nyang propesional, ye.

sports

8906

Beda sama orang tua, anak-anak muda atawa para bujang ama gadis demen nyicipin gorengan. Udah gitu, kalo orang tua kebanyakan beli buat dibawa ke acara, anak-anak muda itu beli buat kumpul-kumpul aja ama temen-temennya. Gorengan yang paling banter dicari para bujang ama gadis itu biasanya pastel ama sosis solo. Ada juga yang demen kue-kuean, kayak kue sus atawa kue bolu. Kalo kata orang-orang, bujang ama gadis demennya makanan modern. Kalo orang tua pada demen makanan yang kuno. Udah gitu, kalo orang tua tadi pada demen nyabain dulu sebelom beli, anak-anak muda, langsung beli yang emang dipengenin aja. Biasanya juga beli pada kolekan ama temen-temennya

food & beverages

903

Nanny Mania 2 adalah pêrmaènan dêngan tokoh utamè sêorang ART bêrnamè Èmma. Padè gim Nanny Mania 1, Èmma ngêbantu Mayor Whitby amè kêluargènyè. Karang padè Nanny Mania 2 Èmma bêraksi ngêbantu Sophia Ashford, sêorang bintang Hollywood nyang ngêdapêt julukan ênyak têrburuk olèh mèdia massa sêtêmpat. Gim êni adè 10 lèpêl nyang saban lèpêlnyè punyè komplèksitas nyang mangkin ngêningkat. Tugas utamè nyang kudu dilakuin amè pêmaèn adalah ngêbantu Èmma ngêjagè kondisi rumèh supayè têtêp apik, ngurus bocah, amè ngêlayanin anggotè kêluargè nyang laèn. Dalêm ngêlakuin gawèannyè, Èmma punyè waktu nyang têrbatês buat ngêbêrèsin kêsêmrawutan di rumèh. Olèh karna ntu, pêmaèn kudu bêrtindak gasik buat ngêbantu Èmma nyêlêsèin gawèannyè.

technology

7727

Pas entu hari Jum’at, jam pelajarannye Bahasa Inggris. Kite sekelas pade demo karena gurunye hobi bener ngasi tugas. Akhirnye entu guru keluar dari kelas karena kesel sama kite. Terus abis entu, temen-temennye aye malah ngintip ke luar kelas. Bener aje, gurunye kite bener-bener pergi ninggalin kite. Bukannye sedih atau takut, kite malah girang bener. Abis entu, kite malah poto-poto pake kameranye aye. Emang bener-bener dah kelakuan aye dan temen-temennye aye pas jaman entu. Guru marah bukannye minta maaf, malah foto-foto. Mulai dari selfie, foto candid, dan laennye. Intinye entu kamera digitalnye aye sering bener disalahgunain dah. Entu kamera digital banyak bener kenangannye!

technology

6252

Aye punye pandangan positip ama kehadiran para food vlogger atawa nyang demen ngasih peniliaian buat makanan-makanan gitu. Kalo kate aye, food vlogger eni ngebantu banget ngenalin makanan baru nyang mungkin kagak dikenal orang lain nyang tinggal di belahan bumi laen, ngasi info soal restoran mane aje nyang antep kualitasnye makanan atawa servisnye, ngebantu ningkatin performa restoran buat kualitas makanannye dari restoran manapun lantaran itu restoran ntu bisa ngusahain buat selalu ngejage kualitas makanan ama servisnye soalnye segalanye direkam. Udeh pasti food vlogger ntu kagak mesti demen segala jenis makanan, tapi mesti siap buat ngleyom segala jenis makanan. Sayangnye, food vlogger sekarang lebih ngejar duit. Jadi, ntu orang pade dibayar ama restoran buat ngegmbar-gembborin makanan nyang ntu orang pade tayangin dalem videonye.

food & beverages

9022

Masih olahraga di area gunung. Bukan cuman ada di gunung, sih, olahraga ini ada di pinggir pantai, ama bisa bikinan orang juga. Olahraga ini bukan cuman buat nikmatin pemandangan, tapi juga nantangin diri ke dalem bahaya ama dapetin otot badan yang kuat. Panjat tebing, bisa dilakuin di bukit-bukit gunung, bukit pantai, ama tebing-tebing bikinan orang. Buat ngikutin olahraga ini kudu banyak latian juga. Kagak bisa sembarangan, kayak baru awal-awal ikut langsung nyoba tebing yang tinggi di bukit-bukit. Kalo buat awalannya, bisa belajar dulu tebing-tebing bikinan yang kagak tapi tinggi. Bisa di tebing-tebing yang rendah ama landei. Kalo udah kebiasa, udah dinilai mantep ama pelatih atawa rekan manjat, baru bisa manjat tebing di bukit yang terjal ama tinggi.

sports

103

Taman nasional adalah kawasan nyang dipakè khusus buat ngêlindungin èkosistêm flora amè fauna. Di Banyuwangi, kurang lêbih adè tigè taman nasional nyang dijadiin objèk wisatè, salèh atunyè adalah Taman Nasional Baluran. Namè 'Baluran' dicomot dari namè gunung nyang adè di daèrah êni, yakni Gunung Baluran. Kawasan nyang dijulukin Sunrise of Java atau Little Africa of Java êni punyè lêga kurang lêbih 25.000 hèktar. Adè bêbêrapè titik nyang mênarik buat disaba, yakni dari lêganyè Savana Bekol, Evergreen Forest, ampè kêindèhan bawèh laut Pantèi Bama. Satwè liar nyang idup di Taman Nasional di antarènyè adalah bantèng, burung mêrak, kebo, monyèt èkor panjang, amè rusa.

leisures

4409

Zaman sekarang orang udeh kaga malu tuh buat nunjukkin kalo die suka ama sesama jenis. Lingkungan mereka ama orang tua juga udeh banyak tuh nyang melihat perlakuan ini tuh biasa aja. Padahal pan kite udeh dikasih tau ye di dalem kita suci kite pan udeh dikasih tau lewat azab nyang dikasih ke kaum sodom. Kaum itu juga udah kaga malu tuh terang-terangan, trus kaga dengerin tuh Nabi Luth akibat perlakuan mereka. Mereka tuh dibikin buta trus wilayahnye diombang ambing kaya aer, trus orang-orang pada ketimpa runtuhan batu. Mereka begitu karna kaga dengerin tuh omongan Nabi Luth, padahal udeh di wanti-wanti, akhirnya tuh wilayah ancur berkeping-keping.

religion

2791

Senjata tradisional berperan penting dalam fungsi praktisnye sebagai alat untuk menjaga diri, alat perang, atau juga untuk membantu pekerjaan sehari-hari. Dengan perkembangannye di zaman yang semakin maju, senjata-senjata tradisional tersebut saat ini telah beralih fungsi menjadi lebih untuk ditonjolkannye nilai estetisnye sebagai pelengkap pakaian adat tradisional. Senjata tradisional merupakan menjadi bagian dari karya budaya yang dipakai oleh masyarakat untuk melindungi diri, kebutuhan sehari-sehari seperti berladang dan berburu. Akan tetapi, senjata tradisional dapat digunakannye sebagai simbol identitas dari sekelompok masyarakat yang memakainye. Senjata tradisional selanjutnye ya ntu Badik Lagecong yang pada zaman dahulu dipakai sebagai senjata untuk perang atau digunakannye apabila keadaan sedang terdesak. Badik ini memiliki keunikannye ya ntu memiliki racun pada bilahnye. Sehingga hal ntu dapat menambah efek yang mematikan bagi lawan apabila terkena senjata ntu. Jenis senjata tradisional Sulawesi Selatan ntu, sekarang dicari orang bejibun sebagai benda untuk dikoleksi. Senjata tradisional ntu memiliki ukuran sejengkal orang dewasa. Memang cukup kecil namun sangat mematikan.

culture & heritage

8444

Mirip-mirip ame pedaan, jogging ato lari-lari kecil di luar rume juge butuh dukungan alam. Pan kagak enak juge jogging bari ujan-ujanan. Sehat kagak, bangkis-bangkis masup angin iye. Makanye, kalo di luar rume cuacanye lagi kagak nentu, ade cakepnye juge beli treadmill. Enih alat udeh kesohor bangat dari jaman dulu juge. Bentukannye kek huruf L; nyang bediri isinye tiang kecil kanan kiri seukuran dada orang dewasa biasanye, kalo nyang di bawah, ntu alat buat jadi alas lari-larinye. Nyang di depan dada ntu, udeh ade mesin nyang bisa bantu kite nentuin pengen lari secepet ape, berape lame, ngeliat detak jantung, ame banyak laennye. Jogging pake alat canggih enih bagus buat nurunin berat badan, ngebentuk ame nguatin otot, ngontrol gula darah, ngejage ame ningkatin kesehatan jantung ame memori otak, ningkatin kualitas tidur, ame ngejaga kesehatan mental. Cakep!

sports

4559

Teryata setiap tarian tuh punya ciri gerakan masing-masing, salah satu nyang pernah aye cobain itu ada namanye Tari Merak. Tari Merak tuh asalnye dari Jawa Barat, tarian ini tuh inspirasi dari kehidupan burung Merak. Gerakan penarinye juga niruin gerakan dari burung merak. Tarian ini tuh pertama kali dikenalin ama seniman nyang asalnye dari Sunda, namanye Reade Tjetjep Soemantri. Tarian ini tuh masuknye ke tari modern, maksud dari tarian modern itu gerakannye bebas, trus nyiptainnye kreasi sendiri. Tarian ini juga sekarang udeh ada modifikasi karena udeh ditariin berpasangan. Tarian nyang dilakuin berpasangan tuh ade nyang jadi merak jantan, ade juga nyang jadi merak betina.

culture & heritage

2826

Berdasarkan ceritanye yang beredar di masyarakat, kesenian Topeng Ireng mulai berkembang di tengah masyarakat lereng Merapi–Merbabu sejak zaman penjajahan Belanda, yang kemudian dilanjutkannye perkembangannye tahun 1960-an. Saat ntu, pemerintah kolonial Belanda melarang masyarakat berlatih silat sebagai tindakan antisipasi agar rakyat tidak memiliki keahlian jika nantinya melakukan perlawanan. Hal inilah yang membuat warga sekitar mengembangkan berbagai gerakan silat itu menjadi tarian rakyat. Pada awalnye, tarian ntu disajikan dengan iringan musik gamelan dan tembang Jawa yang intinye menyangkut berbagai nasihat tentang kebaikan hidup. Kesenian ini semakin berkembang ketika disajikan sebagai bagian dari kirab pembangunan masjid dan mushala. Sebelum dipasang, kubah masjid biasanye akan diarak keliling desa terlebih dahulu. Kirab atau arak-arakan tersebut akan diikuti oleh seluruh masyarakat di sekitar masjid dengan tarian yang diiringi rebana dan syair puji-pujian. Inilah yang kemudian menyebabkan tarian ini berkembang menjadi kesenian Topeng Ireng.

culture & heritage

592

Kurang kumplit rasènyè kalo liwat Jalan Raya Sokaraja, Banyumas, tapi kagak mampir nikmatin sroto sokaraja. Nyantêp sroto sokaraja kagak makè nasi, tapi makè kêtupat nyang ditêtêk kêcit-kêcit. Sayurannyè tibang kêcambah amè daon bawang. Kêcambahnyè dirêbus dan daon bawangnyè ditêtêk ukuran sêdêng. Sajian sroto sokaraja êni dalêm prosès pêngêjèannyè ampir mirip amè soto padè umumnyè. Kuah nyang digunèin dikêjè dari kaldu ayam kampung atau jugè daging sampi sandung lamur nyang dimasak makè bumbu khusus sêhinggè ngasih citè rasè khas. Nyang ngêjadi nilai tambèh dari sroto sokaraja adalah bumbu kacangnyè. Bumbu kacang êni kêpisèh sêhinggè nyang nyantêpnyè bisè nambèhin sêsuè sêlèra. Sêlaèn bumbu kacang, ciri khas laènnyè adalah kêrupuknyè. Kêrupuk nyang dipakè adalah kêrupuk cantir nyang dikêjè dari kêtèla.

culture & heritage

6226

Masakan padang emang paling bener dah dibikin makanan paling ngebantu pas lagi laper atawa kantong lagi kering, pan harganye emang murah pisan, ade tuh nyang jual sebungkus ama lauknye 10 rebu. Mantep bener dah. Padang ntu emang paling ajib kalo pilih menu nasi kikil, selaen gurih lantaran rasa dari kikilnye, masakan padang juge punye cita rasa sendirinye dari bumbu ama santannye, tapi jangan salah kikil kalo dihabek kebanyakan ama sering-sering juge kagak bae banget buat kesehatan kite, kenape? soalnye gegares kikil kebanyakan mah bise naikin kolesterol di badan kite, mangkenye nyok same-same kite jaga kesehatan, boleh sih kalo lagi kepengen banget mah makan kikil makan aje, cuman jangan keseringan kalo kagak mau nimbulin penyakit nyang kagak diarepin di badan kite.

food & beverages

4862

Kalo kite mau olahraga tuh jangan mulainpas perut kite masih penuh. Intinye jangan olahraga abis makan, karna bahaya tuh kite bisa eneg. Ya banyangin aje perut lagi penuh trus di bawa lari-larian, apa kaga keluar tuh isi-isinye. Pan kite tau kalo maen futsal mah bakalan lari-larian, tetep aje tuh. Nah, ceritanye temen aye si riski kaga ngarti. Sebelom latihan die makan nasi, buka cuma ganjel perut. Alesannye dari tadi kaga sempet makan. Abis makan die langsung siap-siap trus lari di lapangan, ya bener aje kaga nyampe 15 menit udeh ngerasain sakit di bagian perut. Bagitu tuh resikonye kalo nganggep remeh suatu hal, pan die sendiri kan nyang nikmatin kaga enaknye.

sports

6773

Saya punya TV di rumah tapi saya tidak menonton saluran TV baik lokal mau pun luar negeri (padahal diharuskan berlangganan oleh penyedia layanan internet saya). Kenapa? Karena saya malas menonton acara pada saluran TV. Saluran TV lokal penuh dengan konten tidak mendidik dan tidak bermutu, yang bermutu kadang saya tidak begitu tertarik, hanya sekedar tahu saja (seperti berita politik, ekonomi, sosial) dengan membaca artikel di portal berita. Saluran TV luar negeri atau internasional pun tidak menjamin mutu tayangan. Secara rata-rata memang lebih menarik namun saya lebih terbiasa menonton dengan subtitle Bahasa Inggris atau tidak perlu ada sama sekali. Akhirnya TV saya digunakan untuk casting dari ponsel saya untuk menonton YouTube atau Netflix, dan juga untuk bermain Nintendo Switch. Sekalian nanti kapan-kapan saya koneksikan juga dengan laptop saya.

technology

8485

Sepak bola ade aje nyang bikin serunye. Kagak cuman pas lagi sengit-sengitnye, pas pemaen kagak sengaja ngelakuin sesuatu juge bise jadi sorotan banyak orang. Kek misalnye, waktu semifinal Coupe de la Ligue 2020. Waktu ntu nyang maen PSG lawan Reims di Stade Auguste-Delaune II. Kylian Mbappe, sala atu pemaen PSG, lagi asik ngejar bola ampe deket kotak pinalti. Cuman, sayangnye die kesandung bek ame kiper lawan ampe jatoh depan gawang persis. Matanye nangkep bola nyang gelinding depan muke die. Bukannye dibiarin aje, gegara kakinye kesangkut tim sebelah, Mbappe malah ngedorong ntu bola ampe masuk ke gawang pake tangannye nyang bebas. Nyadar ame kegeblekannye ndiri, Mbappe cuman engkel-engkel pas dikasi kartu koneng ame wasit. Ade-ade aje!

sports

6738

SMP Ikut eksul sepakbola, Sudah mulai main dilapangan rumput, Ketemu temen baru..Banyak yang jago - jago, nah pas SMA Tetep ikut eksul Setiap ada kompetisi, selalu ga masuk tim.. bahkan tim B nya pun saya g masuk hehehe. Posisi saya bek tengah atau gelandang bertahan. Akhirnya temen2 yg ga lolos seleksi buat ikut kompetisi di eksul, ngadain latihan sendiri setiap sabtu,Kekumpul kalo ga salah ada anak 16. Kita bikin klub sepakbola sendiri, bikin seragam sendiri, namanya SSC (Saturday Soccer Club) Sering latih tanding dengan tim lain. Pernah suatu saat kita latih tanding sama tim yang isinya anak - anak eksul sekolah yang saya sendiri ga lolos seleksinya, dan menaaanngg.. hehehe rasanya puas bangeettt. Pokoknya rasanya dulu itu seeeneeng banget, rasa kehabisan nafas, mau pingsang, sampe muntah dilapangan rutin terjadi hehehehe..Jaman anak - anak dulu memang serru

sports

2797

Budaya Minangkabau memiliki karakteristik yang sangat menarik dibandingkannye dengan budaya lain di Sumatera. Pastinye banyak hal unik, dan menarik yang ada di suku Minang. Ini meluas ke adat-adat pernikahannye, budaya bepergian, termasuk senjata tradisionalnye, ya ntu ruduih yang merupakan senjata tradisional Padang yang mirip parang dari budaya Minang di Sumatera Barat. Senjata ntu memiliki fungsi sebagai senjata yang digunakannye untuk bertarung di medan perang. Di sisi lain, untuk senjata berburu selain dengan senjata sumpitan. Senjata Ruduih kini berada di Museum Perjuangan Tridaya Eka Dharma dan tercatat sebagai senjata yang digunakannye pada Perang Manggopoh sebelum tahun 1908. Perang Mangopo 1980 terjadi pada tanggal 15 Juni 1908. Peperangan pecah dari murka kaum Ninik Mamak, para alim ulama, cendekiawan, dan masyarakat Kanagari dari Mangopo di kecamatan Lubuk basung Kabupaten Agam, Sumatera Barat. Tindakan yang dilakukannye tentara Belanda tersebut diyakini menjunjung tinggi nilai-nilai luhur adat, dan budaya Minangkabau serta melanggar adat kebiasaannye masyarakat Minangkabau yang berada di luar batas kewajaran. Dari literatur yang ada, beberapa sumber menyebutkannye bahwa senjata ruduih ini mirip dengan senjata Kelewang. Bentuk senjata ntu menyerupai pedang dengan bilah tajam di salah satu sisinye. Ada beberapa perbedaan di antara mereka. Jika senjata Kerewan memiliki bilah yang tajam dan lurus, senjata Ruduih memiliki sisi tajam yang cenderung cembung ke dalam. Bentuk pedangnye menyerang musuh lebih mematikan. Maka kagak heran jika senjata ntu sering digunakannye oleh para prajurit kerajaan saat berperang melawan tentara Belanda pada perang Manggopoh pada tahun 1908.

culture & heritage

7299

Selaen Lebaran Hari Raya Idul Fitri, dalem Islam ade upacara keagamaan laennye yang namanye entu Hari Raya Idul Adha. Nah kalo pade saat Hari Raya Idul Fitri upacara keagamaannye entu sampe di salat idul fitri, kalo pade upacara keagama hari raya idul adha entu selaen salat idul adha, ade juga penyembelihan hewan kurban. Nah pas Xafizan kecil, die entu seneng bener sama hari pelaksanaan upacara keagamaan satu enih. Soalnye mulai dari sebulanan sbeelom hari raya idul adha, udeh ade hewan-hewan kurban di masjid tempat die salat. Nah pas hari pelaksanaan entu upacara keagamaan, abis salat idul adha, Xafizan pun liatin proses penyembelihannye deh.

religion

7339

Lagu daerah entu sebuah lagu yang asalnye dari suatu daerah dan biasanye ade tema kehidupan sehari-hari masyarakat setempatnye. Pengambilan tema entu tujuannye supaye lagu daerah gampang dipahami sama para pendengar dan bisa diterima di beragam kegiatan masyarakat. Selain entu, umumnye lagu daerah Indonesia punya lirik yang berbahasa daerahnye masing-masing. Misalnye kayak lagu Manuk Dadali yang berasal dari Jawa Barat dan lagu Rasa Sayange yang berasal dari Maluku. Pencipta lagu daerah Indonesia umumnye kagak diketahui. Meskipun begono, lagu daerah bakalan tetep beken soalnye sering dinyanyiin oleh masyarakat setempat ataupun masyarakat lainnye yang tinggal di luar daerah asalnye lagu tersebut. Nah entu die tentang lagu daerah.

culture & heritage

4523

Salah satu cara buat ngenalin cerita rakyat itu dengan ceritain pake media boneka. Caranye gampang bener, kite sediain aje tuh panggung-panggungan terus ama bonek nyang dibikin dari kerdus. Nah buat tokoh-tokohnye tinggal disesuain aja tuh cerita ape nyang mau dite bawain. Terus biar kitenye kaya layar bikin tuh kaya macem layar dari triplek biar kite kaga keliatan jadi penceritanye. Nah dengan bikin boneka kerdus itu kite bisa nyeritain tentang cerita rakyat jadi lebih nyenengin. Bisa tuh ada di tempat permaenan anak kaya di mal-mal biar makin banyak nyang nonton. Nah bikin tuh pertunjukan juga ada di acara-acara nyang banyak ngundang anak kecil.

culture & heritage

925

Kêcanggihan tèknologi nyang dipadu amè kêgampangan buat dibawè kê manè ajè ngêjè lèptop ngêjadi pilian banyak bocah pêranti bêlajar di rumèh atau sêkola. Tuman nulis gasik dêngan ngêgunèin lèptop ngêjè bocah ngêjadi kagak dêmên ngêlakuin sêsuatu nyang ngêbutuhin waktu lamè, misalnyè nunggu. Mêrèka bakal ngindarin bêlèha-lèha amè ogah lagi ngêrjain gawèan dêngan dolog. Bocah karang pèngènnyè sêmuènyè bêjalan dêngan gasik amè sêsuè targèt atau èkspèktasinyè. Têrmasup wayah mêrèka pèngèn nyari suatu inpormasi nyang dibutuhin, mêrèka puguh pèngèn sigrah dapêt hasilnyè dêngan tibang ngêtik suatu katè konci têrtêntu. Kalo mêrèka ngêrasè sêkêlilingnyè kêbangêtan dolog dalêm ngêlakuin sêsuatu, mêrèka kagak bakal sungkan buat ngêliatin raut bosênnyè.

technology

850

Pêrmaènan golêp bêrasal dari Skotlandia. Pêrmaènan êni awalnyè dilakuin dêngan nakol kêrikil di atas bukit pasir ngêgunèin tungkêd nyang bèngkok. Padè abad kê-15, Skotlandia ngêjadiin pêrmaènan golêp êni sêbagè tèknik buat mêrtahanin diri dari lawannyè nyang disêbut Auld Enemy. Wayah ntu, orang-orang amat antusias dalêm ngêgunèin tèknik pêrmaènan golêp sêhinggè ngabèin pêlatian militèr nyang dimilikin Skotlandia. Akhirnyè, Raja James II padè 1457 ngêlarang pêrmaènan golêp. Mêski bêgono, banyak orang nyang wayah ntu kagak ngopènin larangan ntu. Kêmudian, padè 1502 pêrmaènan golêp êni disêtujuin amè ditêrimè Raja James IV. Sêjarèh pêrmaènan golêp êni sêmpêt ditêntang amè Propèsor Ling Hongling dari Unipêrsitas Lanzhou. Diè bilamg bahwa padè taun 600-an pêrmaènan mirip golêp udèh dimaènin di Cina padè masa Dinasti Tang Sêlatan.

sports

3109

Jika malas pergi ke gym, kite bisa berolahraga di rumah, misalnye nih ye dengan sit up atau yoga bermodalkannye ntu cuman matras. Untuk memvariasikannye gerakan olahraga, kagak ada salahnye untuk sedikit berinvestasi dengan membeli beberapa alat olahraga di rumah yang sederhana yang harganye relatif terjangkau dan kagak memakan banyak tempat. Bejibun orang malas berolahraga karena harus bolak-balik ke gym. Mungkin ada juga yang kurang percaya diri untuk mencoba alat fitness gym yang canggih, terkesan mengintimidasi, dan sulit penggunaannye. Sejumlah alat fitness sederhana yang bisa digunakan di rumah ini salah satu investasi yang baik untuk mulai berolahraga tanpa perlu ke luar rumah. Selain kegunaannya yang banyak, alat-alat ini bentuknya ringkas, penyimpanannye mudah, dan bisa kite bawa ke mane pun.Kettlebell adalah alat fitness berbentuk bola beban yang memiliki sebuah pegangan. Biasanya Anda menggunakan kettlebell dengan cara diangkat atau diayunkan. Beban kettlebell mulai 8 kg hingga 20 kg, sehingga Anda lebih baik menggunakan kedua tangan saat menggunakannya. Sama halnye seperti dumbbell, alat olahraga ntu cocok untuk melatih dan menguatkan otot tubuh bagian atas, termasuk otot inti. Meski begitu, kite juga bisa memodifikasi sesi plank, squat, hingga push up dengan menggunakan kettlebell guna membantu menguatkan bagian tubuh bawah, seperti bokong, paha, dan betis.

sports

9320

Ada orang yang punya dagangan jia udah nyiapin celengan. Kebanyakan pedagang yang awal-awal ngerintis, jia bakalan ngirit banget. Buat pedagang kecil kayak yang di gerobakan atawa pinggir jalan gitu, pada nyiapin celengan dulu di awal. Jadi kalo misalnya dapet untung, jia bakal langsung taro ke celengan duit untungnya itu. Celengan itu bakal ditebok kalo emang udah kagak ada lagi duit yang bisa dipake. Buat pedagang gede atawa pengusaha, jia bakal nyiapin dana darurat dibilangnya. Percis ama pedagang kecil tadi yang nyiapin duit cadangan di celengan. Kalo pedagang ini biasa nyimpen di bank atawa jia beliin emas buat jaga-jaga kalo ke depannya butuh dana yang lebih gede, jia bisa cairin duit di bank atawa ngejual emasnya.

business

2757

Dalam menjalankannye acara adat kebo-keboan ada beberapa tahapan yang kudu di jalanin ya ntu ; Tahap pertama, berupa selamatan dengan menggunakannye dua belas tumpeng beserta lauk-pauk, jenang sengkolo, dan tujuh porsi jenang suro. Tumpeng ntu kemudian dimakannye bersamaan di sepanjang jalan desa. Disamping ntu, para tetua desa juga melakukannye ritual di berbagai tempat yang dianggap keramat seperti Watu Laso, Watu Gajah, dan Watu Tumpeng. Tahap kedua, ya ntu mengarak tiga puluh manusia yang telah didandaninye menyerupai kerbau untuk mengelilingi empat penjuru desa yang dipimpin oleh tokoh adat. Di belakang arak-arakan manusia kerbau, terdapat sebuah kereta yang digunakan oleh Dewi Sri. Dewi Sri adalah lambang dewi padi dan kesuburan. Tahap ketiga sekaligus yang terakhir ya ntu penanaman benih padi yang dilakukannye oleh manusia kerbau di sawah.

culture & heritage

910

Tanggal 9 Januari 2007 ngêjadi momèn wayah Steve Jobs ngumumin pêrangkat iPhone pêrtamènyè, yakni iPhone 2G di Amèrika Sêrikat. Buat pêrtamè kalinyè, ponsèl êni hadir dêngan layar nyang gêdé amè bisè dinapigasi ngêgunèin jari manusiè. Pitur nyang dibawè iPhone génêrasi pêrtamè wayah ntu udèh canggih padè jamannyè. Tapi, sêiring pêrkêmbangan jaman, iPhone gè têrus bêrèpolusi dalêm hal bêntuk amè pitur. Karang udèh 16 taun bêrlalu sêjak iPhone dipêrkênalin dêngan bêragêm kêmampuannyè nyang bisè digunèin pêranti ngêlakuin panggilan tèlpon, kêhubung kê intêrnèt, nêrimè surèl, ampè ngêdêngêrin musik. Sêjak wayah ntu, raksasè tèknologi Amèrika Sêrikat ntu têrus konsistèn ngêrilis pêrangkat iPhone baru saban taunnyè. Hal êni ngêdorong minat nyang amat tinggi dari parè pênggêmar saban produk têrbaru diumumin.

technology

8622

Kalo ngiler bangat ame kerje kantoran, ade baenye ntu perasaan kagak kudu semenggebu-gebu entu. Jaman udeh canggih, karang kerje kudunye ude bise dari mane aje, kagak kudu ngumpul di kantor. Soalnye, kerje di kantor juge punye kekurangannye ndiri. Misalnye, nyang suke dikeluin karyawan ntu rutinitas harian nyang jadinye monoton. Masup pagi, ctik-ctik kerje, pulang sore, ampe rume kudu istirahat biar besok betenage bangun pagi lagi. Udeh gitu, gegara di kantor kagak bise ngapa-ngapaen selaen kerje, jadi ngaruh juge ke kesehatan nyang terancem. Ape nyang sehat dari di depan laptop terus pagi ampe sore? Selaen ntu, bepotensi bangat ningkatin stres ame rase cemas gegara kerja bareng orang-orang laen. Jadi, kalo perporme turun dikit, orang laen bise tau dan bahkan jadi bahan gunjingan. Terakhiran, rase capek bolak-balik rume-kantor, rase bosen ame monotonnye rutinitas, ame rase stres dan cemas nyang kudu ditanggung, kadang kagak sepadan ame gaji nyang diterime. Nah, nyang beginih-beginih kudu bangat dipikirin mateng-mateng.

business

7305

Elu tau kagak kalo upacara keagamaan di agama Islam entu selaen Hari Raya Idul Fitri, ade Hari Raya Idul Adha? Elu tau kagak, biasanye ape aje yang dilakuin para muslim dan muslimah pas hari pelaksanaan upacara keagamaan satu entu? Mulai dari pagi yang cerah pas Hari Raya Idul Adha, mereka biasanye ngelakuin ibadah upacara keagamaan Hari Raya Idul Adha, ya entu salat eid. Biasanye abis salat eid, bakalan dilaksanain penyembelihan hewan kurban secara massal yang dilakuin sesuai prosedur Islam oleh para ahlinye di lapangan masjid ataupun di lapangan laennye. Ade yang abis salat eid ngantre buat dapetin daging, ade juga yang abis salat eid langsung pulang ke rumah dan ngebadog. Biasanye sih badogan pas hari raya entu mayoritas daging dan ketupat, misalnye sayur ketupat, ketupatnye, rendang, semur, marak, dan laennye. Abis ngebadog, biasanye pade pergi silaturahim ke rumah keluarga atau bisa aje istirahat di rumah. Nah entu die kegiatan laennye yang biasanye dilakuin setelah upacara keagamaan di agama Islam, ya entu Idul Adha.

religion

1796

Bêrikut êni bêbêrapè tips aman naèk angkutan umum. Pêrtamè, adè baèknyè êlu naèk angkutan umum dari têmpat nyang têrang amè ramè. Êni pênting pêranti kêsêlamêtanlu. Kêduè, bayar kêpadè sopir atau kênèk sêcarè langsung dêngan ngêjauhin dompèt dari pandangan sêkitar. Kêtigè, dilarang nampilin dêtail pribadi sêcarè sadar atau kagak sadar, têrlêbih kêpadè sêmbarang orang nyang kagak dikênal. Kêêmpat, wayah êlu duduk, êlu kudu ngêliat-liat kêadèan sêkitar dêngan cêli. Êni bakal ngêbantulu dalêm situasi kacau wayah kudu budal dêngan gasik. Kalo sêsêorang nyêrang atau nyêntuh êlu, êlu kudu gêgêrawakan kêpadè pêranti ngêdapêtin pêratian. Kêlimè, wayah ninggalin angkutan umum, êlu kagak bolèh bêjalan dèwèkan dalêm gêlap. Waspadèlah têradêp orang-orang nyang bêkêliaran di jalanan. Têrakhir, nyimpên sêmprètan lada pêranti ngêbantu dalêm kêadèan darurat. Sêlaèn ntu, êlu jugè bisè ngêmanpaatin parpum di dalêm kêmpèklu.

slice of life

2769

Rumah adat Jew merupakannye salah satu dari rumah adat milik suku Asmat yang mendiami Pulau Papua. Terletak di distrik Agats, Kabupaten Asmat, rumah adat Jew sarat akan maknanye, dan memiliki keunikannye yang kagak dapet ditemukannye di daerah lain. Biasa disebut dengan Jew, ternyata rumah adat ntu juga memiliki nama lain seperti Je, Jeu dan Yeu. Menurut bahasa Asmat, kata Jew sendiri memiliki arti ruh atau jiwa. Sehingga, Jew dapat dimaknai sebagai suatu atma (ruh) yang membangkitkannye rasa keinginan pada diri manusia untuk saling bersatu padu dalam kehidupan bermasyarakat. Rumah adat Jew ntu dikenal juga sebagai rumah bujang. Bukannye tanpa alasan, sebab mayoritas yang tinggal di rumah Jew adalah lelaki bujang alias yang belum menikah. Namun, rumah ntu dapet juga digunakannye oleh seluruh penduduk di sekitarnye. Biasanya Jew ntu menjadi tempat berkumpulnye bagi para pemuka adat, dan pimpinan desa suku Asmat. Rumah adat yang ntu kerap dijadikannye sebagai balai desa oleh mayarakat Asmat. Dimane di rumah Jew sering diselenggarakannye acara berkumpul bersama para pemuka adat ataupun pemimpin dari suku Asmat. Dahulu, mereka sering mengadakannye rapat untuk membahas strategi perang, atau sebagai tempat untuk melakukan ritual sebelum/sesudah perang. Namun, lambat laun, rumat adat Jew digunakannye sebagai tempat untuk membahas segala hal yang berkaitan dengan kepentingan suku Asmat. Misalnye, rencana penyambutan tamu dan penyelenggaraan ritual atau pesta adat. Adapun fungsi lain dari rumah Jew adalah sebagai tempat untuk melatih para bujang dalam berperang. Selain ntu, mereka juga diajarkan cara memukul Tifa (alat musik tradisional milik suku Asmat) dan mencari ikan baik di rawa maupun sungai.

culture & heritage

4016

Kalo diliat-liat banyak banget nih toko-toko yang jual jus sehat, contohnya jus seledri. Emang kedengerannya rada aneh ya buat kite yang biasa gunain seledri di sop supaya aromanya makin sedep. Karena udah banyak yang ngelakuin penelitian, contohnye pernah dibaca disalah satu artikel halodoc kalo jus seledri tuh punya kandungan kalsium, magnesium, zing, tembaga, folat, vitamin A,B,C, ama K, antioksidan, betakaroten, ampe flavonoid. Satu porsi jus seledri tuh punya kandungan 43 kalori, cocok banget kan buat yang jalanin program diet. Kaga cuma itu aja, jus seledri ini tuh bisa meningkatkan daya tahan tubuh, menjaga kesehatan saluran cerna, mengurangi nyeri pas mestruasi, ama ngurangin resiko kena penyakit kanker. Jadi kaga perlu heran nih orang-orang pada berbondong-bondong konsumsi jus seledri sehari-hari, karna nyatanya penting banget nih buat kesehatan tubuh kite.

food & beverages

3986

Shelter alam buatan adalah shelter yang sengaja dibuat manusia dengan cara mengumpulkannye ntu ranting-ranting pohon. Ranting-ranting dan batang pohon ntu disusun sampai menjadi semacam gubuk kecil. Bejibun pendaki menyebutnye ntu bivak darurat. Shelter portable adalah shelter yang dapat dibongkar pasang. Shelter kategori ntu adalah tenda, dome, tarp tent, hingga flysheet. Jika kite memilih untuk menggunakannye ntu shelter alam buatan atau shelter portable, sebaiknye dirikan shelter sebelum matahari terbenam. Untuk shelter buatan dari alam, maksimal kite bisa mulai membangun shelter sejak pukul 14.00. Karena butuh waktu hingga 4 jam untuk mencari bahan baku hingga mendirikan shelter sampai selesai. Untuk shelter portable, kite bisa mulai mendirikan shelter 2 jam sebelum matahari terbenam. Dalam membuat shelter, kite kudu menjauhi daerah aliran sungai, hindari area rawan longsor dan area pohon tumbang, pastikan jauh dari sarang serangga atau hewan buas, dan pastikan shelter telah berdiri sebelum matahari terbenam.

slice of life

9668

Malem pertame antare Ibnu ame Ibah begitu indeh. Die berdue manjein perut semaleman. Semue bahan die buat jadi berbagei macem olahan. Biasenye nganten baru slalu kepikiran nyang aneh-aneh. Pengen inih pengen ntuh, alias ngidam. Pas tengah malem, mereka beduaan kelaparan. Namun, warung udeh pade nutup. Akhirnye, mereka bikin minuman nyang ngangetin tubuh. Minuman anget biase dikenal sekoteng. Nah, Ibnu dan Ibah bikin sekoteng ala-ala die. Sekedar manpaatin bahan nyang ade. Cume masak aer jahe, susu, dan roti. Kagak pake mutiare dan segale macem kek abang liwat. Die nikmatin beduaan nyambil nonton film korea. Sungguh indah malem pertame die pade nyang penuh drame.

food & beverages

7702

Elu tau kan ye, alat teknologi yang udeh ade dari waktu entu tapi spesifikasinye tetep berkembang dan makin canggih salah satunye entu laptop? Bahkan karena spesifikasinye makin canggih, laptop jadi alat teknologi yang bisa ngelakuin banyak ha juga. Tapi walaupun entu laptop makin canggih, tetep aje laptop kagak kebal dari yang namanye kerusakan. Kerusakannye entu bikin kinerjanye laptop jadi lambat. Nah katenye sih, penyebab laptop makin lambat entu karena virus, perangkat lunaknye terlalu banyak, hardisknye makin usang dan penuh, laptop makin panas, kapasitas ram terlalu kecil, drive C udeh penuh, dan penyebab laennye, yang bisa aje karena kite kagak ngerawat dan ngejaga dengan baek. Nah makenye, kite kudu perhatiin spesifikasi laptop pas mau beli dan kudu dijaga ye kalo kite udeh punya laptop!

technology

6896

Profesi yang berkaitan sama masakan entu beragam. Nah salah satunye adalah pedagang badogan. Elu tau “Ayam Penyet Cabe Ijo Aa Sipit” yang beken entu kagak? Pas hari Sabtu jam 3-an siang deh kayaknye, aye dan enyak ke entu tempat karena enyak aye penasaran. Nah pas aye dateng, yang ngantre udeh mulai banyak. Padahal semua pedagang ayam penyet entu masih nyiapin tenda dan laennye. Aye minta nomor antrean dan dapet nomor 6. Terus selama kurang lebih setengah jam, akhirnye persiapannye pun udeh beres semuanye. Abis entu, sekitaran jam 4 sore, mereka mulai ngegoreng, ngulek cabe ijonye, dan nyiapin nasi di bungkus badogan. Satu per satu nomor antrean di depan aye juga udeh mulai dapet pesenannye. Tapi, makin lama, makin banyak juga yang ngantre. Untung aje, aye ada di urutan enem. Jadinye setelah nunggu kurang lebih sejaman, pesenan aye udeh siap.

food & beverages

2249

Sêlêsè lembur di kantor atau acara dêngan klien sepulang kantor, mungkin êlu terpaksa pulang sendirian di malam ari dêngan taksi. Sekarang memesan taksi sudah lêbih mudah, bahkan jika êlu ngêmilih taksi reguler, pesanlah liwat aplikasi atau telepon daripadè menyetopnya di jalanan karna nomor kêndarèan amè sopir sudah pasti tercatat. Pastikan jugè kondisi êlu terlacak olèh orang-orang terdekat, ya. Carènyè, selalu bawa ponsel dêngan baterai terisi penuh. Jika sudah masup ke dalêm taksi, segera kirim nomor taksi amè nama sopirnyè ke orang terdekat êlu. Begitu jugè wayah êlu naèk taksi dariny. Tumannyè di aplikasi taksi daring ntu sudah adè identitas nama sopir, plat nomor, amè nomor ponsel nyang bisa ditangkap layar sehingga tersimpan di galeri ponsel êlu. Êlu jugè bisa mengirimkannya ke orang-orang terdekat.

slice of life

1761

Bêbêrapè waktu lalu Rumi sêmpêt ngalamin strès karna lagi adè masalèh dêngan salèh atu anggotè kêluargè. Karna kagak bisè diungkapin, rasènyè atinyè gêlisah têrus-têrusan. Molor gè kagak tibra. Sêpanjang ari rasènyè kêpikiran mulu. Akhirnyè Rumi nyoba nulis jurnal sukur saban malêm sêbêlon molor. Kêtumanan nulis jurnal sukur têrnyatè ngasih kêsêmpêtan bagi Rumi buat ngêmilikin pêrspèktip baru têntang hal-hal pênting nyang bênêr-bênêr diè sukurin amè aprèsiasi kêbêradèannyè. Kagak disangkè, dalêm waktu 2 ari Rumi nulis jurnal sukur, pêrasèannya jauh lêbih baèk. Rumi jugè kagak nyimpên kêgêlisahan lagi amè molor gè tibra. Kagak gêgêtun banyak orang nyang rêsêp nulis buku arian. Nulis èmang manjur ngêjadi tèrapi jiwa!

slice of life

830

Padè awalnyè barbêl dikêjè pêranti dijadiin sêbuah alat rèhabilitasi cidêrè. Tapi, sêiring bêkêmbangnyè jaman amè diadaptasinyè barbêl ngêjadi sêbuah alat olahragè, kêpopulèran barbêl dèwèk akhirnyè nyaingin dumbêl dalêm kêsêrtèannyè di olimpiadê. Barbêl kêmudian sêcarè masip diproduksi amè sêorang Jèrman bêrnamè Kasper Berg nyang bêrniat buat nyuplèi Olimpiadê Jèrman padè taun 1928. Abis olimpiadê ntu, konsèp Kasper Berg diadopsi amè sêorang pêngêjè barbêl tradisional dari Amèrika, yakni York Barbell, ampè padè akhirnyè barbêl dipasarin sêcarè lêga kê publik. Hinggè karang, barbêl digunèin ampir di sêluruh pusat kêbugêran buat sêgalè tujuan, mulè pêmbêntukan otot, pêmbakaran lêmak, atau olahragè propèsional kayak angkat bêsi amè angkat bêrat.

sports

6912

: Elu pernah kagak nyaris kecelakaan di dapur? Aye pernah, pas SD. Pas entu siang, ujannye gede bener. Aye sendirian di rumah yang agak gelap juga karena mendung. Terus akhirnye karena gelap. aye pun nyalain lampu. Abis nyalain lampu, aye ke dapur karena mau nadangin bocor. Eh ternyate di tikungan kamar mandi ke dapur, ade bocor juga. Aye yang kagak tau ada bocor di sono dan jalannye juga kagak liat-liat, akhirnye pun kepeleset di entu tempat yang udeh becek bener. Terus pas kepelset, aye pegangan rak putih yang ade di sebelah aye. Ternyate entu rak isinye beragam alat masak, termasuk piso. Jadilah aye kepeleset karena becek sambil keujanan piso. Ngeri bener kan? Makanye elu kalo ujan buru-buru tadangin bocornye dan nyalain lampu ye. Selaen entu, jalannye juga kudu ati-ati!

food & beverages

48

Ayè dêmên ngonsumsi aèr kêlapè, apèlagi wayah cuacè panas. Kagak tibang nyêgêrin awak amè ngilangin dahagè, aèr kêlapè jugè bisè nambèh èlèktrolit amè minêral buat awak, bahkan aèr kêlapè jugè punyè kandungan antioksidan nyang bisè nyêgah kêrusakan sèl awak. Bêrikut êni bêbêrape manpaat aèr kêlapè, yakni nyêgah pênyakit batu ginjêl, nyêgah dèhidrasi, nurunin têkênan darèh, ngêningkatin staminè, nurunin risiko pênyakit jantung, amè ngêjagè dayè tahan awak. Supayè manpaatnyè kêrasè maksimal, sêbaèknyè êlu ngonsumsi aèr kêlapè murni, yè. Aèr kêlapè murni êni adalah aèr kêlapè nyang langsung diambil dari buahnyè, bukan nyang udèh ditambèhin gulè atau pêmanis buatan. Aèr kêlapè murni justru rasènyè lêbih sêgêr dari aèr kêlapè nyang udèh ditambèh pêmanis. Gidah cobèin dèwèk dan rasèin manpaatnyè.

food & beverages

76

Sêlaèn kagak gampang bêkarat, pêrabotan masak dari bahan kayu jugè lêbih alami. Tapi, têrnyatè carè ngêrawatnyè kagak sêgampang nyang dibayangin. Carè ngêrêsikinnyè jugè bèda amè pêrabotan masak dari aluminiun, bêsi, kacè, atau plastik nyang cukup dikumbah makè sabun amè aèr. Bêgini carè ngêrawat pêrabotan masak dari kayu. Pêrtamè, jangan ngêrêndêmnyè karna bisè ngêjè prosès pêlapukan lêbih gasik. Kêduè, rêsikin makè campuran garêm amè lèmon supayè ngilangin bau kagak sêdêp. Kêtigè, rêsikin pêrmukèannyè makè cuka saban sêminggu sêkali buat ngindarin bau apêk. Kêêmpat, simpên di têmpat nyang kagak dêmêk amè dalêm kêadèan kêring buat nyêgah tumbuhnyè jamur. Punyè pêrabotan masak nyang têrawat bakal ngêjè masak lêbih sêmangêt puguhnyè.

food & beverages

4856

Buat kite nyang punya nyali ciut kaga ada salahnye si nyoba olahraga ekstrem, cuma kite perlu tau tuh kondisi badan kite. Biasanye kan olahraga ekstrim tuh ada aturannye, orang nyang punya riwayat sakit tertentu biasanya kaga boleh tuh ikut maen. Nah, kite kaga boleh nyembunyiin sakit nyang kite punya, kalo udeh ada peringatan kaya gitu biasanye ada akibat dari olahraga ektrem ntu. Kalo penyakit luar kan kite bisa liat, ya kalo penyakitnye di dalem ya orang juga kaga tau pan apa penyakit kite. Jadi, jujur ye kaga boleh maksain kehendak, akibatnye fatal dan bisa nyusahin banyak pihak juga. Jadi, kite harus dewasa ama keputusan nyang mau kite buat.

sports

7748

Elu pernah punya iPhone? Aye pernah. Pertama kalinye aye beli iPhone entu pas jamannye iPhone 5. Pas entu, aye pengen keluar dari sekolahnye aye. Tapi babehnye aye ngebujuk aye buat tetep sekolah di entu tempat. Akhirnye babehnye aye nyogok aye pake benda kebutuhan yang pas entu masih eksklusif, ya entu iPhone 5. Pas entu, iPhone masih jarang dipake orang. Aye pun tau kalo kameranye iPhone entu cakep bener, natural. Jadilah aye mau disogok pake iPhone. Nah, pas besokannye aye pun beli iPhone. Abis beli iPhone, aye pun beli case-nye bareng empok aye. Udeh deh aye yang emang hobi selfie, makin demen selfie.

technology

7720

Mesin cuci top loading dua tabung entu mesin cuci yang cara pakenye adalah masukin pakean lewat bagian atas dan jenis satu ini ade dua tabung. Entu dua tabung ngeliputin dua fungsi yang beda, satu tabung yang lebih gede buat nyuci dan satu tabung yang lebih kecil buat ngeringin. Entu kedua tabung mesin cuci bisa dipake sekaligus bersamaan soalnye entu kedua tabung mesing punya motor penggeraknye masing-masing. Nah entu die tentang mesin cuci top loading dua tabung. Walaupun kagak bisa otomatis, elu tetep bisa hemat waktu dan tenaga kan buat nyuci? Soalnye walaupun kagak ade fitur otomatis, entu kedua tabung bisa dipake sekaligus barengan.

technology

3248

Jam atau aksesoris yang sekarang manfaatnye bejibun atau disebutnye ntu pintar ntu memiliki seabrek manfaat, makanye bejibun orang baik dari yang bocah ampe bangkotan pade demen pake ntu jam buat jadi gacoannye mereka. Ntu jam juga udeh dibekali fitur pengawasan harian, berguna mencatat aktivitas sehari-hari ya ntu real time health monitoring seperti detak jantung, jumlah langkah, tekanan darah, kadar oksigen dalam darah, hingga kualitas tidur guna memantau kesehatan tubuh sepanjang hari. Menariknye lagi, beberape smartwatch juga sudah memiliki fitur pemantau suhu tubuh dengan cara yang mudah, fitur MET (Metabolic Equivalent Task) yang merupakan fitur untuk mengukur intensitas dan pengeluaran energi secara fisiologis setelah melakukan aktivitas fisik, Breathe untuk melatih atau mengatur pernafasan. Kemudian pressure stress monitor yang menggunakan data detak jantung seperti bpm untuk menentukan interval antara setiap detak jantung. Fitur ntu dengan cepat memberikan perkiraan angka tingkat stres kite, dan dapat melacaknye sepanjang hari. Selain mempunyai manfaat cerdas yang disebutkan tadi, keuntungan smartwatch yang terakhir adalah sebagai salah satu pelengkap atau aksesoris untuk meningkatkan penampilan pemakainye, menambahkan sentuhan berkelas berbalut kecanggihan.

technology

985

Digitalisasi ngêjè sêgalè sêsuatu mangkin èpèktip amè èpisièn têrlêbih prosès pênggunèannyè nyang sêdêrhanè ngêjè masarakat lêbih têrtarik ngêgunèinnyè. Dêngan adènyè digitalisasi, nongol istilèh èkonomi digital nyang wayah êni lagi bêrusahè dikêmbangin lêbih lanjut amè Bank Indonèsia, salèh atunyè adalah têntang sistim pêmbayaran nyang ngêgunèin sistim kodê QR, yakni QRIS. Alêsan nyang ngêlatarbêlakangin Bank Indonèsia milih ngêgunèin sistim kodê QR adalah karna Bank Indonèsia pèngèn nêmuin sistim transaksi nyang bisè digunèin dêngan nontunèi sêcarè gasik, gampang, amè praktis. Pênggunèan QRIS udèh bêkêmbang di lingkup pêlaku UMKM. Hal êni disêbabin pênggunèan QRIS ngêgampangin transaksi jual bêli nyang dilakuin amè MKM. Têrlêbih padè èra èkonomi digital karang nuntut parè pêlaku UMKM supayè adaptip amè inopatip têradêp pêrobahan pola èkonomi.

technology

2174

Kondisi idup nyang rukun balal nimbulin rasè kêbêrsamèan amè tolèransi. Idup rukun bakal kêrasè manpaatnyè. Kalo dalêm bêtêtanggè kagak kêciptè kêrukunan, puguh bakal bêdampak nègatip karna hakikat manusiè adalah bêrbèda atu dêngan laènnyè. Idup rukun dêngan têtanggè amè lingkungan sêkitar bakal ngêjè masarakat ngêjadi saling opèn atu ama laèn. Kêopènan êni bêdampak padè saling ngêjagènyè têtanggè atu ama laèn. Dalêm bêtêtanggè, masarakat bêsipat majêmuk, artinyè masarakat ngêmilikin bêrbagè latar bêlakang. Hal ntu amatlah riskan amè gampang têrjadi konplik mao gè pêrtikèian antêrwargè. Tapi, dêngan idup rukun, masarakat bisè nêrimè amè mahamin wargè atu ama laèn. Dampaknyè dalêm bêtêtanggè adalah kêhindar dari konplik.

slice of life

2804

Bandung merupakan kota yang punya sejuta keindahannye, ntu kota ngangenin banget. Baik suasananye, sampe kulinernye yang seabrek ragamnye dan enak-enak tentu ngangenin. Beragam oleh-oleh bisa dibawa pulang karena bejibun pilihannye. Mulai dari suvenir hingga ganyeman tradisional yang layak dijadikannye sebagai buah tangan untuk orang-orang terdekat setelah mengunjungi Ibu Kota Jawa Barat. Bandung terkenal sebagai salah satu daerah tujuan wisata. Maka kagak heran, kalau Bandung banyak toko oleh-oleh, dan selalu ramai pada akhir pekan, atau hari libur. Nama toko Kartika Sari sangat ikonik di kalangan wisatawan. Jenis menunye ya ntu bollen menjadi kedemenannye bejibun orang. Anda akan disuguhi dengan banyak jenis varian bollen. "Varian bollen yang dijual ya ntu kacang hijau, apel, peuyeum keju, durian keju, pisang bollen cokelat keju, pisang bollen keju spesial dan durian keju," isi keterangan yang ditulis di laman resmi Kartika Sari. Toko Kartika Sari udeh dijadiin gacoan orang-orang sejak 1970-an, dan masih bertahan sampai sekarang. Cabangnye udeh tersebar di wilayah kota Bandung. Salah satu cabangnye berada di Jalan H. Akbar No.4, Pasir Kaliki, Cicendo, Kota Bandung, Jawa Barat.

culture & heritage

4488

Kalo akad aye milih buat pake adat sunda, tapi pas resepsi tuh beda lagi. Karna ada keturunan betawinya, jadi milih adat betawi tuh pas acara resepsi. Dari kecil pan udeh liat kalo orang kawin pake adat betawi tuh pasti ada nyang namanye palang pintu. Nah pas besan dateng tuh ada dua jawara ceritanye buat saut-sautan pantun abis itu ada adegan silat tuh dikit. Dari perwakilan laki ama perempuan tuh nanti di adu, nah abis itu baru dah masup diiringin ama lagu adat betawi. Nyang aye resep tuh di adat betawi ama bajunya pengantennya, soalnya pan di depan muka ada tutupan gitu jadi unik kalo dipake.

culture & heritage

2248

Naèk angkutan umum di Kotè Palembang kini mangkin mudah karna sudah saling terintegrasi moda nyang tersedia, sêpêrti light rail transit (LRT) bus rapid transit (BRT) amè angkutan kotè (angkot). Kenyamanan nyang bisa dirasèin masarakat Palembang amè sêkitarnyè ntu kagak tibang harga nyang terjangkau, tapi jugè akses angkutan umum nyang mudah. Sebab berdasarkan datè, penggunaan kêndarèan pribadi khususnya kêndarèan bermotor roda dua nyang mangkin meningkat di kotè Palembang berdampak padè meningkatnya jumlah kecelakaan lalu lintas. Liwat gêrakan êni, Kemenhub mengajak masarakat buat mengutamakan penggunaan angkutan umum daripadè kêndarèan pribadi dalêm ngêlakuin aktivitasnya sêari-ari. Palembang dijadiin sêbagè kotè percontohan dari gêrakan êni nyang nantinyè bisè diaplikasikan di kotè-kotè laènnyè nyang ngêmilikin karakteristik nyang samè. Yuk, kita beralih ngêgunèin kêndarèan umum!

slice of life

8192

Hidup bertetangga entu kalo kate aye ade banyak hal yang sebaeknye elu lakuin dan ade juga sebagian laen yang kudu elu lakuin. Kalo menurut aye, yang pertama entu udeh pasti kite kudu jaga sikap. Misalnye, jangan berisik-berisik amat di rumah, setel musik kenceng-kenceng pake speaker, adain acara dan undang tamu banyak tanpa ijin. Soalnye kan entu ganggu tetangga. Intinye jaga sikap dan jangan bikin keributan atau jangan lakuin hal laen yang ganggu dan rugiin mereka. Kedua, mungkin elu kudu rama, misalnye saling tegor sapa atau minimal saling senyum pas ketemu. Ketiga, elu kudu jaga privasinye dan jangan kepo kalo die mau nyimpen entu masalah kagak mau cerita. Mungkin entu sih kalo dari aye tentang idup bertetangga.

slice of life

5235

Makin lama kan kite pasti tau kalo teknologi tuh makin maju, nah kudu kite manfaatin tuh. Kaga cuma mesti jualan dengan punya tokonye, sekarang tuh di perusahaan-perusahaan aje jualan udeh kaga lagi pake turun ke jalan. Udeh tinggal kite sebarin aja iklan di media sosial trus kite tinggal deketin dah calon-calon konsumen. Udeh makin canggih kan orang jualan sekarang tuh. Mangkanye kite tuh harus paham ama nyang namanye digital marketing, kalo pun kaga punya modal buat jualan sendiri seengaknye kite punya kemampuan buat jualin barang orang dengan bae. Udah gitu kalo kite kerja di dunia digital marketing tuh bonus nyang di dapet gede, ya jangan mao kalah dah pokoknya mah.

business

54

Kacang-kacangan punyè kandungan nutrisi nyang baèk buat ngêningkatin kêsèhatan. Kacang-kacangan jugè urup dikonsumsi sêbagè gayêman sèhat. Mêski samè-samè nyèhatin, saban jênis kacang punyè karaktêristik nyang bêrbèda. Adè bêbêrapè jênis kacang nyang bisè ngêjèlu kênyang tanpè mêngaruhin bêrat awak, mangkènyè banyak orang nyang ngonsumsi kacang-kacangan sêbagè mênu sêlingan dièt. Kacang-kacangan êni biasènyè kayè nutrisi amè sêrat sêhinggè bisè ngênyangin. Bêrikut êni adalah kacang-kacangan nyang bisè dijadiin sêbagè gayêman sèhat, yakni kacang brasil, kacang almond, kacang pistacio, kacang kênari, kacang pecan, amè kacang tanèh. Karang kacang-kacangan jangan lagi diartiin sêbagè gayêman bêlêmak amè bêminyak. Di balik ntu, kacang-kacangan adalah sumber protèin, kalsium, amè pitamin B nyang tinggi.

food & beverages

9699

Ari eni aye ama Sinta dapet tugas sekola disuruh bikin jualan gegaresan buat pelajaran wirausaha. Karne aye punye elmu dagang es, kite bedue setuju bikin es pisang ijo. Selaen gampang bikinnye, bahannye juga kaga ribet. Bahan-bahan nyang kite siapin buat bikin pisang ijo ade pisang kepok, aer, tepung beras, tepung terigu, gule pasir, santen, garem, ama pasta pandan. Kalo buat bikin bubur sumsumnye ade aer, tepung beras, santen, garem, ama daon pandan. Bahan buat saos santennye ade aer, daon pandan, tepung maizena, garem, trus buat tambahannye make sirop ama susu kentel manis. Ari entu juga aye ama Sinta bikin tuh di sekola alhamdulillah diponten ama guru nileinye gede.

food & beverages

3232

Robot pembersih sekarang di zaman canggih serba cepet ntu menjadi pilihan bagi orang-orang yang kagak memilki waktu dalam membersihkan rumah. Secara otomatis, kite bisa mengatur kecepatan serta kagak perlu memantau, dan khawatir akan gerakannye yang secara otomatisnye ntu robot bisa menyerap debu serta ganyeman yang ada di lantai. Formulasi robot pembersih lantai ntu dirancang, dan dibuat khusus bagi orang-orang yang ingin istirahat sambil membersihkan rumah. Dengan teknologi yang canggih, robot pembersih (vacum) bisa mensesnsor, dan mendeteksi bagiamane rumah yang kotor. Robot pembersih ototomatis (vacum) bisa kite beli dengan harganye yang sesuai dengan kebutuhan. Robot pembersih otomatis juga dibanderol dengan harga Rp 3.399 juta.

technology

2254

Berdasarkan informasinye dari media kompas.co.id. Katanye bakmi Edy yang ade dari zaman baheula ini enaknye ajib bener kebangetan sedep. Cocok banget dah pokoknye buat dijadiin salah satu menu buat garesan kite orang. Bakmi Edy ntu udeh ada dari taon 1970an. Rasanye yang sedep bikin para pencinta kuliner ogah berenti buat setia ngeganyemin ni mie pak Edy. Menunye juga banyak bener etdah, ada empat rasanye, ade mie goreng, bakmie jamur, sapo tahu, dan ayam kluyuk. Rasanye yang mantep bener dah ajib ini, dan letaknye juga dipusat anak Jakarte pade ngeloneng, nyang ntu adanye di Tebet. Ntu bakmi umurnye bujung buneng udeh tuwir bener dah 40taon nan. Warga Jakarte kudunye mampir kemari ganyem ni mie yang rasanye bikin hati girang.

food & beverages

573

Ronggèng blantèk mêrupakan tari krèasi baru nyang diangkat dari tèater rakyat Bêtawi, yakni topèng blantèk. Sêcarè umum, tari ronggèng blantèk kêbagi dalêm tigè bagian gêrakan. Bagian pêrtamè, gêrakan lêmah gêmulè dêngan ritmê jonjon. Bagian keduè, ritmê mulè gancang dêngan gêrakan nandak nyang pênuh sêmangêt. Bagian kêtigè, tari ronggèng blantèk ngêmasupin bêbêrapè gêrakan silat Bêtawi sêbagè klimaksnyè. Banyak istilèh gêrakan tari ronggeng blantèk, antarè laèn rapêt tindak, sêlancar tindak, putêr goyang, gèol, amè laènnyè. Buat ngiringin tari ronggèng blantèk, dimaènin gamêlan topèng Bêtawi nyang têrdiri atas rêbab, tigè buah kênong, amè kêcrèk. Kadang dipakè jugè rêbanè biang. Dalêm banyak pariasi, sêring dipakè jugè pêrpaduan alat musik tanji, misalnyè têrompèt, trombon, bariton, gêndang, gong, simbal, amè tèhyan.

culture & heritage

7726

Pas aye SMP, aye tinggal di asrama. Nah sebulan sekali entu ade jadwal pulang ke rumah. Pas entu, aye pulang ke rumah dari Jum’at sampe Minggu. Nah pas hari Sabtunye, aye dan empoknye aye ningkring ke mall. Pas entu kite liat kamera yang cakep bener. Mereknye juga dikenal sebagai merek elektronik yang oke. Akhirnye setelah kite diskusi, kite pun sepakat buat patungan beli entu kamera. Entu kamera modelnye kamera pocket digital gitu. Jadinye kagak perlu nyuci entu foto lagi buat ngeliat hasil fotonye. Warnanye putih dan ade tasnye warna cokelat. Tasnye entu berbahan kulit. Pokoknye lucu, imut, dan keren ala vintage gitu deh!

technology

7400

Pernah denger badogan khas Jawa Timur? Katenye, rujak cingur entu merupakan salah satu badogan khas tradisional dari wilayah Jawa Timur, yang katenye biasa didapetin di wilayah sekitar Surabaya. Pernah beli rujak kan? Nah sebagaimane rujak-rujak buah yang pernah kite beli di abang gerobakan, katenye entu rujak cingur umumnye berisi atas potongan dari beberape macem buah, misalnye entu adalah; bengkoang, mangga muda, nanas, kedondong, timun, kerahi atau krai ya entu jenis timun yang khas dari Jawa Timur, abis entu tapinye beda dari rujak buah laennye karena dipakein juga bendoyo, cingur, lontong, tahu, tempe, dan sayuran, misalnye kecambah atau toge, kangkung, dan kacang panjang.

culture & heritage

4544

Oleh-oleh laen dari Semarang nyang teryate gampang dibikin di rumah tuh ada nyang namanye bandeng presto. Pertama tuh tumis bumbu dari bawang putih, kunyit, jahe, trus kasihin garem. Kalo bumbu udeh mateng lumurin dah tuh ke ikan bandeng, tambahin peresan jeruk nipis trus diemin 20 menit ampe bumbu ngeresep. Masupin ke dalem panci presto nyang udeh dialasin ama daon pisang, sebelom ditutup tambahin sereh ama daon salam di atas ikannye ama taro aer dikit-dikit. Abis itu, tutup panci prestonye dan masak ama api sedeng. Abis di presto, angkat ikan pelan-pelan supaya dagingnye kaga ancur. Sebelom di makan, ikan bisa digoreng dulu ama telor nyang udeh dikocok.

culture & heritage

43

Dibanding kupi, ayè lêbih dêmên minum ès tèh manis. Apè ajè madangannyè, ès tèh manis sêlalu jadi pilihan minuman nyang pas, bahkan ès tèh sampè dijulukin sêbagè minuman sêjutè umat saking populèrnyè sêbagè "têmên" madangan. Ampir saban rèstoran atau rumèh madang puguh nyêdièin mênu ès tèh manis. Rasè ès tèh manis nyang sêgêr nyatu amè adêmnyè ès batu èmang amat pas diminum padè cuacè tropis Indonèsia. Sêlaèn ntu, hargè ès tèh jugè amat kêjangkau, apèlagi ès tèh jugè bisè dikêjè dèwèk di rumèh. Mêski ès tèh nyêgêrin, tapi sêbaèknya konsumsi sêcukupnyè ajè. Sekagaknyè, kurangin jumlèh gulènyè atau ganti amè jênis pêmanis nyang lêbih sèhat.

food & beverages

4499

Sekarang pan udeh jarang tuh orang bangun rumah mirip rumah dulu, cuma aye pengen gitu suatu saat punya rumah kaya rumah adat Betawi. Halamannye tuh luas jadi demen tuh buat acara-acara kaga perlu nyewa tempat. Nah, atepnye tuh bagus bentuk lipetan gitu nyang teryata itu ngambil dari motif kaen orang Betawi. Ciri khasnye, kalo ruang keluarga tuh adenya malah di luar rumah nyang orang Betawi nyebutnye Pangkeng. Rumah orang Betawi tuh biasanye lebar, kamarnye bisa bikin 4 trus nyang punya rumah dapet kamar paling gede. Dapur tuh biasanye ade di belakang, trus kalo keluarga aye naro kamar mandi biasanye di luar.

culture & heritage

454

Nuzululqur'an mêrupakan kêjadian nyang amat èsènsial dalêm sêjarèh pêradaban Islam nyang têrjadi di bulan suci Romadon. Nuzululqur'an adalah pêristiwè turunnyè Al-Qur'an kêpadè Rasulullah Saw. Pêristiwè êni têrjadi padè malêm kê-17 di bulan Romadon. Hikmèh mêringêtin Nuzululqur'an dilakuin dalêm rangkè ngayatin amè ngamalin ajaran nyang têkandung dalêm Al-Qur'an buat dipraktikkin kê dalêm kêidupan sêari-ari. Hal nyang kudu dilakuin padè malêm Nuzululqur'an antara laèn iktikaf atau bêdiêm diri di masjid sêmbari jugè ngaji, bêjikir, amè bêdoa. Sêlanjutnyè adalah mêrbanyak sêmbahyang malêm kayak tahajud, hajat, amè laèn sêbagènyè. Têrus, mêrbanyak bêdoa sêsuè hajat masing-masing. Dêngan bêgono, sêbagè umat muslim bisè ngêdapêtin bêrkah di malêm Nuzululqur'an.

religion

5754

Kalonaye kan tipenye tuh bukan nyang ngejar sesuatu banget ye, tapi tetep bikin planning supaya tujuan tuh berjalan dengan bae. Pertama tuh aye apa aje nyang mao dikerjain buat mencapai tujuan. Nah abis itu baru bikin list tuh kegiatan atau hal apa nyang mao dilakuin supaya tuh tujuan bisa terlaksana. Selama prosesnya kite kudu tuh inget ama tujuan karna kadang kite kaga sadar kalo kite tuh suka mulur ama rasa males. Planning itu tujuannye biar apa nyang mao kite lakuin tuh lebih kearah lah. Soalnye kalo suatu saat gagal kite kaga stres, nanti kite bisa cari celah hal nyang bikin kite gagal.

slice of life

7713

Elu tau dan pernah punya radio? Aye pas masih kecil. pas belom ade yang namanye ponsel cerdas dan teknologi kagak secanggih sekaramg, punya radio. Nah entu radio tepatnye punya encing dan encang aye. Jadinye di rumah nenek aye emang ade dua radio. Soalnye kan kamarnye encang aye entu di lantai dua, nah jadinye ribet kalo radionye cuma ade satu. Nah kadang aye dengerin radio, entah siaran ataupun lagu, dari radionye encing ataupun encangnye aye. Aye masih inget, bentukan kaset radio punya encing dan encang aye entu kotak persegi panjang dengan dua bolongan. Nah biasanye kalo kusut isinye, encing atau encang aye bakalan puter-puter supaye rapi. Unik ye. Nyok beli radio!

technology

2294

Bir pletok rupanye salah satu minuman khas warga betawi, ntu minuman bukan terbuat dari alkohol ye, tapi namanye aje bir. Minuman ntu kaya akan rempah-rempahnye yang bejibun, makanye baunye cukup tajem nyenget idung. Awal mulanye ntu minuman, adalah dari kebiasaannye para bapak-bapak atau kaum laki yang girang ngeloneng bersama, entah di pos hansip, di rumah atau acara hajatan. Katanye sumber dari laman Kementerian Kebudayaan, bir pletok udeh ade dari era kolonial Belanda. Orang Eropa yang menetap di Jakarta sering meminum bir di waktu senggang untuk angetin badan. Ogah mau kalah, ntu masyarakat pribumi pun nyiptain dah ntu minuman sendiri yang fungsinye hampir sama. Hanya saja ngga mengandung alkohol. Mereka menghabiskan waktu malam hari dengan minum Bir Pletok biar badannye mereka menjadi anget. Kebiasaan tersebut lama-lama menjadi gacoannye mereka orang laki, dan Bir Pletok makin di kenal oleh masyarakat bejibun sebagai minuman trsdisional khas Betawi.

food & beverages

2431

Sering banget film dibuat berdasarkan dari kisah nyata, atau diambil dari novel. Salah satunye film Hafalan sholat Delisa ntu film diangkat dari novel berdasarkan kisah nyata yang terjadi di Aceh, yaitu menceritakannye tentang kisah bencana tsunami dan gempa di kota Aceh yang memakan korban yang bejibun. Cerita ntu bener-bener menguras aer mata banget. Aye baca ntu novelnye aje nangisnye ampe berkali-kali. Kirain pas nonton pilemnye udeh kaga bakal nangis lagi, taunye malah nangis kejer lagi. Ntu cerita bener-bener nyedihin banget pokoknye. Jadi ceritanye ada seorang anak sekolah dasar yang di sekolahannye bakal diadain praktek sholat, ntu anak namanye Delisa. Die bener-bener usaha keras banget dengan semangatnye buat belajar sholat dan bacaan sholatnye, disemangatin sama gurunye, terus disemangatin sama ibu dan kakak-kakaknye. Sangat menyedihkan disaat hari H die di tes terjadilah bencana tsunami pas dia lagi sholat. Dia sama sekali tidak bergeming sampai die tersapu oleh arus tsunami, ibu dan kakak-kakaknye meninggal, hanya die yang selamet, Alhamdulillah ayahnye lagi keluar kota jadi die akhirnye idup sama ayahnye. Film ntu ngajari banyak banget nilai, salah satunye tentang khusyuk dalam sholat, dan gigih dalam belajar.

leisures

198

Pêrnèh kagak êlu ngêrasè kêlimpungan dalêm ngungkapin pêrasèan nyang êlu alamin atau bahkan êlu kagak tau pêrasèan apè nyang lagi êlu alamin? Kalo iyè, coba dah journalling atau nulis jurnal. Wayah akhir pêkan, biasènyè ayè nyêmpêtin buat nulis jurnal. Nulis jurnal adalah kêgiatan nuangin pikiran amè pêrasèan êlu kê dalêm bêntuk tulisan supayè êlu bisè ngêmahaminnyè sêcarè lêbih danta. Sêdêrhanènyè, nulis jurnal ntu mirip amè nulis buku arian. Êlu bisè nulis apè ajè, misalnyè nulis daptar kêgiatan, impian, rêncanè-rêncanèlu, motipasi diri, bahkan curèhan ati. Sêmuè hal bisè êlu maurin liwat tulisan. Rutin nulis jurnal bukan tibang ngêjè rêncanè idup lêbih têrtatè, tapi jugè bisè ngêjè diri jadi lêbih tênang.

leisures

2773

Lagu-lagu daerah Betawi biasanye memiliki beberapa unsur khusus, seperti berisinye nilai-nilai leluhur, atau nasihat yang dibawakannye dengan pantun yang bersifat jenaka, dan menghibur. Selain ntu, bejibun dari lagu-lagu daerah Betawi yang biasanye dalam pementasannye ntu liriknye dapet diubah-ubah sesuai dengan ide yang ingin disampaikannye si penyanyi. Meski begitu, nada dan beberapa baris lirik tidak diubah agar tetap menjadi ciri dari lagu tersebut. Jali-Jali, atau juga dikenal sebagai Si Jali-Jali adalah lagu daerah Jakarta yang cukup terkenal di kalangan masyarakat Betawi. Menurut asal-usulnye, lagu ntu konon lahir, dan dikembangkannye oleh peranakannye Tionghoa di Jakarta melalui musik tradisional mereka, ya ntu gambang kromong. Dengan permainan biolanye, lagu Si Jali-Jali dipopulerkan oleh Pak Sagi, konduktor Kerontjong Pak Sagi pada tahun 1942. Karena kental dengan nuansa budaya Betawi, Jali-Jali kemudian dijadikannye lagu daerah Betawi. Seperti kebanyakannye lagu daerah Jakarta yang berasal dari budaya Betawi, lagu Si Jali-Jali ini juga terdiri dari syair-syair yang dipadu dengan musik upbeat. Jadi, di setiap bait lirik lagu ntu, baris pertama, dan kedua hanyalah sampiran, sedangkan baris ketiga dan keempatnye adalah inti pesannye.

culture & heritage

6219

Kalo ngomongin gegaresan khas betawi ade nih temen gegaresan nasi yang paling pas dimakan kalo siang-siang, semur jengkol, kalo ngomongin semur, orang pasti kebayang semur daging, nah kalo semur jengkol eni rasanye jauh lebih laziz, lantaran harga jengkol jauh lebih murah, kalo dimakan rasanye mirip kentang, cume emang ga semue orang suke ame aroma jengkol, rada semriwing gitu, tapi biasanye ntu aroma nyang bikin orang jadi napsu makan, nah nyang jadi masalah lagi kalo gegares olahan jengkol ntu klo kite buang air kecil, bakal rada muncul tuh aroma asli jengkolnye. ntu nyang bikin orang jadi rada males makan olahan dari jengkol, termasuk semur jengkol

food & beverages

2690

Dalam Khutbah Jumat yang singkat ntu, kite semuanye sama Ustadz disuruh merenung sejenak tentang apa yang terjadi di sekitar kite saat ini, di mane kite sedang menjalani masa pandemi Covid 19 yang udeh berjalan lebih dari setahun. Udeh bejibun orang yang meninggal, tidak sedikit di antara mereka adalah saudara kite, tiba-tiba sahabat kite meninggal dunia, siapa saja dan kapan atau di mana saja bisa meninggal dunia. Setiap yang bernyawa akan merasakan mati. Kematian ntu adalah sesuatu yang pasti kite hadapi. Sesuatu yang menjadi gerbang dari kehidupan dunia menuju kehidupan akhirat adalah kematian. Maasyiral muslimin rakhimakumullah! Dalam Surat Al-Baqarah ayat 28, Allah berfirman, yang artinye ntu ;  "Bagaimana kamu ingkar kepada Allah, padahal kamu (tadinya) mati, lalu Dia menghidupkan kamu, kemudian Dia mematikan kamu lalu Dia menghidupkan kamu kembali. Kemudian kepada-Nyalah kamu dikembalikan". Jadi waktu ntu khutbah Jumat isinye tentang mengingat kematian.

religion

7262

Islam entu bukan agama yang mempersulit dan keras. Allah entu Maha Lembut kepada para hambanye. Nah buktinye entu adenye beragam kemudahan dan keringanan pade agama Islam yang ngelebur ke dalem berbagai aspek kehidupan para hambanye. Salah satu wujud dari kemudahan dan keringanan yang terbesar pade Islam entu adalah adenye pintu tobat yang terbuka bagi para pendosa. Ade kemungkinan yang bingung kenape salah satu kemudahan dan keringanan dalem syariat Islam entu adalah terbukanye pintu tobat. Nah dari entu khotbah agama yang terakhir didenger, para umat sebelomnye entu punya persyaratan yang berat buat tobat. Sementara entu buat penganut agama Islam, entu yang berat udeh diapus.

religion

497

Sêbagè têmpat ibadèh, wihara têrnyatè kagak tibang dikunjungin umat Buddha. Têmpat êni jugè mênarik bagi orang laèn, khususnyè karna budayè nyang adè di sono. Buat nyang pèngèn masup kê têmpat ibadèh umat Buddha êni, adè bêbêrapè pêraturan nyang kudu dipatuhin. Aturan-aturan ntu adalah sêbagè bêrikut. Pêrtamè, kudu ngêlêpas alas kaki amè ngêbukè topi. Hal ntu dilakuin buat ngormatin umat Buddha. Têrus, pakè pakèan sopan nyang kagak ngêliatin paha amè pundak. Hal ntu adalah bêntuk pênghormatan kepadè têmpat ibadèh. Sêlanjutnyè, matiin hapè amè mintè ijin dulu wayah mao poto. Têrakhir, nyang paling pênting adalah kagak noèl patung Buddha sêmbarangan. Dêmikian aturan-aturannyè.

religion

4799

Waktu hamil aye udeh berenti total buat latian fisik nyang berat, walaupun awal hamil belom ketauan trus masih suka olahraga berat. Nah, awal-awal sih perut belom melendung ye jadi olahraga ringan kaya pemanasan tuh masih gampang dah. Trimester pertama masih suka tuh olahraga jalan santai tuh masih kuat banget dah. Kaga cuma jalan pagi, aye juga sering tuh yoga teryata penting banget buat ketenangan diri. Semenjak nyoba yoga tuh aye udeh kaga sering deg-degan, cemas, pokoknye makin enak tenang dah rasanye suasana ati. Nah, pas masuk trimester ketiga badan tuh udeh mulai bega trus jalan kaki aje tuh rasanye udeh berat banget bawa perut.

sports

4471

Dulu tuh moment sahur nyang kite tunggu-tunggu, soalnye pan pasti rame tuh banyak juga orang nyang bangunin shahir keliling. Makin kesini tuh kaga ada orang nyang bangunin keliling begitu. Malah kalo mesjid udeh berisik di jam 2 pagi beberapa orang ngerasa keganggu. Mangkanye pan beda banget ama nyang dulu, dari nyang rame ampe kaga ade lagi tuh nyang nerusin. Menurut aye tuh kaga ada nyang salah ama cara ngebangunin sahur, sering aye kesiangan karna toa mesjid suka kaga kedengeran. Cuma buat orang nyang kerja trus abis begadang suka keganggu, kaga salah sih emang tuntutan pekerjaan, cuma sedih aja sekarang udeh bergeser tuh kebudayaan.

religion

8459

Di kantor Doel, kudunye udeh masuk jam buat ngaso, tapi die malah dipanggil ke ruangan bosnye. Agak penasaran, Doel nyamperin bos di ruangannye. Di dalem sonoh, ternyata si bos minta Doel nemenin die nongton Piala AFF 2022 di Gelora Bung Karno. Bujug, Doel nyang demen bola, ye jelas girang bangat dapet ajakan begini. "Mumpung lagi Indonesia lawan Thailand," kate bosnye. Doel iye-iye bae. Mereka akhirnye berangkat begitu kantor bubaran. Nyampe GBK, langsung cari tempat duduk sesuai ame nomor tiket. Suasana stadionnye rame bangat. Banyak nyang bawa alat-alat buat ngultras ato ngedukung Indonesia, kek banner, bendera gede, drum, ame banyak lagi. Merieh dari sebelon mulai, ampe pas udeh mulai dan Indonesia berhasil ngegolin duluan. Cuman, ngultrasnye mulai ngeredup pas Indonesia kagak sanggup ngegol-golin lagi padahal pemaen Thailand udeh bekurang atu gegara dikasi kartu merah ame wasit. Doel, nyang demen ngeliat suasana sekitar, jadi agak sedi juge gegara ampe abis maen pun, stadion jadi makin sepi ultrasnye. Pade capek kali, ye, teriak-teriak, tapi pemaen Indonesia kagak nyanggup ngegolin? Batin Doel, ampe kagak sadar kalo bosnye udeh ngajak pulang. Iye, ye, capek juge nungguin skor nambah dari 1-1 padahal banyak peluang, pikir Doel sepanjang jalan pulang.

sports

5701

Kaga semua orang tuh mentingin dana darurat. Hampir semua orang nyang aye liat lebih milih buat idup dengan gaya selangit dari pada nyiapin dana darurat. Lebih mikirin gengsi. Buktinye kaya orang mau kawin aja dah. Banyak sebenernya orang nyang maksain bikin hajatan tapi kaga ada modalnye. Mereka ngelangsungin pernikahan anak gede-gedean biar dipandang keren aja ama orang, cuman nantinye malah pusing mikirin utang. Udeh banyak dah cerita nyang aye denger, padahal mah repotnye tuh idup setelah nikah. Kudu punya kendaraan, kudu punya rumah, blom lagi kalo punya anak. Kaga mungkin kan kite ngandelin orang tua mulu. Apalagi mikirin buat dana darurat, kalo orang udeh maksain kehendak aja udeh kaga ada kepikiran ampe situ.

slice of life

3956

Memiliki kesamaan tujuan ntu bisa memudahkannye kite, dan pasangan ntu untuk senantiasa berjalan selaras. Memiliki impian yang ingin diwujudkannye bersama misalnye, bisa jadi motivasi tersendiri untuk merangkai masa depan yang lebih baik bersama. Bahkan bisa membuat kite, dan pasangan makin kompak dalam mengupayakan hal-hal terbaik demi menggapai tujuan bersama ntu tersebut. Menjalani hidup sendiri, dan menjalani hidup dengan pasangan jelas akan terasa berbeda. Ada hal-hal yang berubah dan perlu disesuaikannye lagi. Di sini kite, dan pasangan bakalannye bisa berusaha untuk senantiasa membuka diri menyambut pengalaman baru. Dengan begitu, kite, dan pasangan kagak bakalannye merasa gampang tertekan ketika dihadapkannye pada persoalan baru yang perlu dihadapi dan dialami bersama. Semoga kite, dan pasangan ntu bisa merangkai kehidupan yang bahagia dan lebih baik bersama. Walau mungkin perjalanannye ntu kagak selalu mudah, tapi bakalannye ntu selalu ada hal indah yang bisa dipetik dan dirasakannye bersama.

slice of life

3992

Mulai besok nih, aye mau nerapin yang namanya sarapan sehat. Tiap hari kan aye sarapan lontong sayur, nasi uduk, bubur ayam yang nyatanya tuh kaga sehat buat tubuh aye. Karne katanya dokter yang aye tanya di applikasi alodokter nih, makanan yang biasa aye makan tuh mengandung karbohidrat yang bisa ningkatin gula darah dalam badan. Mestinya, sarapan yang bae buat tubuh nih ade dari gandum, sayur, buah, ame telur rebus. Kalo sarapan kite sehat penyerapan energi kite ampe siang nih tetep terjaga dan tubuh tetep bugar. Karna udah tau manfaatnye nih, aye mulai rubah menu sarapan aye jadi lebih sehat lagi kedepannya.

food & beverages

6948

Elu pernah denger istilah hidden gem? Iye sih, hidden gem artinye emang permata yang tersembunyi. Tapi penggunaan hidden gem entu buat tempat wisata yang cakep bener tapi belom beken, alias belom banyak yang orang tau. Entu tempat wisata mungkin belom beken karena lokasinye tersembunyi. Jadinye pas deh tuh buat wisata alam yang pemandangannye cakep bener, tapi belom beken, belom banyak orang yang tau. Misalnye nih ye, elu lagi liburan di desa gitu. Nah terus elu ningkring-ningkring di sekitarnye dan nemuin sungai yang cakep bener, tapi sepi, belom banyak yang tau. Nah entu bisa dikate sebagai hidden gem atau tempat wisata yang tersembunyi.

leisures

53

Adè atu cilok nyang jadi paporit ayè di Yogyakarta, namènyè Cilok Gajahan. Asal namènyè bukan karna ukurannyè gêdé buat sêukuran cilok, tapi karna dulu lokasi jualannyè di sudut Alun-Alun Kidul Yogyakarta, yakni arèa Gajahan. Têmpat ntu dulunyè adalah kandang gajah punyè Kêraton Yogyakarta. Cilok Gajahan bêrpusat di Jalan Kadipatèn Kulon Kios Nomor 97 amè punyè bêbêrapè cabang laènnyè. Buat nyang di pusat, têmpatnyè lêga. Adè banyak mèja nyang kêsêdiè di sono buat nyang mao ngêgayêm langsung. Êlu bisè jugè bêli buat dibawè pulang amè adè kêmasan bêkunyè. Teksturnyè kênyêl, rasènyè gurih, apèlagi kalo udèh dicocol kê sambêl. Hargè sêporsinyè Rp5.000,00 udèh dapêt 20 biji. Murèh bangêt, pan?

food & beverages

8899

Cemilan kue-kuean itu awalnya dari pedagang yang dagangin kuenya pas subuh, tapi masih banyak yang jualnya ampe agak siangan. Orang-orang yang baru dateng atawa agak kesiangan mulai ikut nyampur ngerubungin pedagang-pedagang kue itu Kue-kuean itu ada kue basah, kue kering, ama gorengan. Detil kue-kueanya di situ banyak banget yang jual lemper, kue talam, nagasari, risol, pastel, lumpia, bika ambon, ama kue lumpur. Ada juga gorengan, kayak risol ama pastel yang jadi kedemenan bujang-bujang ama gadis-gadis. Kalo ibu-ibu ama bapak-bapak banyak yang nyari kue-kue basah kayak kue talam, kue lumpur, atawa bika ambon yang kadang-kadang dijadiin persiapan baut acara syukuran, hajatan, atawa buat nyambut keluarga ama tamu.

food & beverages

554

Ngêbêli olèh-olèh di suatu têmpat nyang disaba sêakan udèh jadi kêwajiban. Bêgono jugè wayah bêkunjung kê Kotè Manado. Kotè êni punyè bêranèka ragam olèh-olèh nyang mênarik buat dibawè pulang, misalnyè kacang goyang. Bêragêm warnè nyang dihasilin kacang goyang êni bêrasal dari lèlèhan gulè nyang udèh dikasih pêwarnè madangan. Warnè-warnè kayak mèrah, mèrah jambu, amè putih ngêjadi warnè nyang bêgono dominan. Namè kacang goyang mênurut cêritè orang Minahasa dihasilin dari prosès pêngêjèannyè. Kacang tanèh nyang masing di dalêm kulit disangrèi ngêgunèin pasir, têrus digoyang-goyangin. Dari prosès ngêgoyang-goyang kacang ênilah namè kacang goyang bêrasal. Tèksturnyè garing di luar, tapi wayah digayêm têrasè bêgono êmpuk.

culture & heritage

6371

Wajar saja bila menonton film sering menjadi aktivitas yang menyenangkan dan bersifat sebagai hiburan. Namun, jangan hanya terlena dengan efeknya sebagai hiburan saja. Anda pun juga perlu tahu beberapa bahaya nonton film bagi kesehatan jiwa dan psikis. Pertama, menurunkan kesehatan mata, meningkatkan risiko penyakit degeneratif, Kekurangan cairan, Kelelahan pikiran, Kurang sosialisasi dan pergaulan, Memiliki penyimpangan perilaku, Mendapatkan perbendaharaan kata yang buruk, dan Mendapatkan informasi yang salah. Film ringan bergenre romantis komedi atau romkom kerap menjadi pilihan untuk memberikan hiburan di penghujung hari. Tetapi tanpa disadari terlalu sering bahkan kecanduan menonton film atau drama romantis bisa memberikan dampak buruk dalam kehidupan loh. Pertama, tidak bersyukur. Susah berkomitmen, dan yang terakhir mempengaruhi kesehatan mental.

leisures

1768

Wayah pandêmi sêpêrti karang êni, adè banyak hal nyang bisè ngêjè strès. Mulè dari masalèh èkonomi, kêsèhatan, hubungan dêngan pasangan nyang lagi kêganggu, bocah-bocah nyang sulit diatur, ampè kêjênuhan karna kudu bêradè di rumèh ajè jugè bisè ngêjè strès. Kalo adè hal-hal nyang ngêganggu pikiran êlu, ngomong dêngan orang laèn bisè ngêbantu ngurangin strès êlu. Omongin masalèh êlu dêngan orang nyang bisè dipêrcayè, sêpêrti anggotè kêluargè, têmên, pêmbimbing rohani, doktêr, atau tèrapis. Sêlaèn ntu, êlu jugè bisè ngomong dêngan diri êlu dèwèk atau nyang dikênal dêngan self-talk. Tapi, biar self-talk bisè ngêbantu ngurangin strès, pastiin êlu tibang ngomong hal-hal nyang positip. Jadi, dêngêrin baèk-baèk apè nyang êlu pikirin amè bilang wayah strès. Kalo êlu ngasih pêsên nègatip, robahlah ngêjadi pêsên positip.

slice of life

9694

Kalo lagi laper entong keder nyari gegaresan dimane. Kaga perlu repot-repot belain beli bahan-bahan buat masak dewek biar ngirit, makan di Pondok Barejo udeh paling bener ama irit. Pertame, praktis ora perlu ke pasar beli bahan eni ntu liat resep eni ntu, tinggal digares. Kedue, hargenye mure merie tibang beli paket ayam sebiji 60 rebu udeh kebagian sekeluarge. Ketige, menunye nyang macem-macem jadinye kaga ngebosenin sama banyak variasinye. Keempat, rasenye dijamin sedep soalnye bahannye nyang seger terus. Kelime bisa diorder juga jadinye praktis ora repot. Tibang mesen liwat IG, WA, Gojek juga bise udah dateng ntu gegaresan ke rume lu-lu pade.

food & beverages

3484

Mengatur keuangan menjadi poin penting yang harus dijalankan oleh perusahaan. Dimane dengan melakukan manajemen keuangan dapat mencegah terjadinye kerugian. Jika perusahaan kite telah mengalami kerugian, maka perhatikanlah proses manajemen keuangan perusahaan kite apakah sudah berjalan dengan baik atau belum. Sedangkan jika belum, tentunye kite harus memperbaiki manajemen keuangan perusahaan kite dengan segera agar kondisi keuangan perusahaan dapat membaik dan tidak mengalami kerugian. Saat perusahaan mengalami kerugian tentunye bakal membuat seseorang kehilangan fokus, dan kagak bersemangat. Akan tetapi hal ntu tersebut justru akan membuat kite semakin terpuruk, dan akhirnye perusahaan kite kagak tertolong. Untuk ntu, kite harus segera bangkit memperbaiki kondisi keuangan perusahaan kite.

business

4067

Buah alpuket itu suseh-suseh gampang dicarinye, banyak emang nyang jualan tapi kalo nyang rasanye enak legit dan memuaskan tuh kayanye jarang banget ditemuin. Ada orang jualan alpuket di pinggir jalan pake gerobak, alpuketnya emang bagus-bagus dah mulus, dicobain dah tuh beli tibang 4 biji. Pas nyampe rumah angan-angan mah udeh tinggi bae kan makan alpuket pake es. Kaga pake nunggu lama dibelah dah tuh alpuket, udeh Nyak ceriwis bener udeh kaga sabar pengen nyobain. Emang suka heran kalo punya ape-ape di rumah orang-orang udeh pade celamitan bae, Awalnye udeh curiga kok ni alpuket masih keras bener ye, eh teryate bener belon mateng pas dibelah. Apes bener emang dah, alpuketnye disimpen di dalem beas supaya cepet mateng , kaga tau juga deh berapa hari tuh matengnye.

food & beverages

6381

Kok Garuda International dibikin dari bulu punggung soang nyang kualitasnye tinggi. Lantaran make bulu nyang tebel, kok eni bisa dibilang awet terus ketahanannye antep bener, wailah kagak perlu diraguin lagi deh. Produk eni juga udah menuhin kualifikasi internasional ama banyak pisan digunain pas pelatihan PBSI. Kepale koknye dibikin dari gabus impor nyang cepetnye sampe angka 77-78 grains nyang ngejadiin die pilihan buat segale macem kalangan buat digunain pas maen bulu tangkis di dalem ruangan atawa malahan buat maen di luar ruangan termasuk di kawasan pesisir. Harga nyang kagak terlalu mahal, kok eni ngasih kualitas antep punye pas maen ama awet jadi kagak boros banget juga mesti sering ngeganti kok.

leisures

2396

Kapal pinisi ntu menjadi daya tariknye bagi para turis saat melancong di Labuan Bajo, Kabupaten Manggarai Barat, Nusa Tenggara Timur (NTT). Di Labuan Bajo, kapal pinisi ntu menjadi ikon wisatanye. Bejibun operator kapal yang menawarkan jasanye dengan harga bersaing kepada para turisnye. Konsep Phinisi Experience itu adalah pengunjungnye melakukan semacam tour di pinisi yang berlabuh di kawasan Waterfront Marina Labuan Bajo, atau ada yang nantinye mampir ke Pulau Komodo, Pulau Padar, dan lainnye, nah orang orang pade berkeliling naik kapal di dalem ntu kapal udeh ada kamar tidur, kamar mandi, dapur, sundeck, ruang makan, ruang kemudi, dan lainnye. Bisa yang tripnye seharian ada juga yang nginep ampe berhari di kapal ntu, untuk ganyeman semuanye udeh sepaket dah sama penginepan dan keliling kelilingnye ntu, jadi kita kaga perlu lagi pusing mikir ganyeman buat digares karena udeh ada ganyemannye.

leisures

7259

Kagak cuma Alsa aje yang rutin kajian atau dengerin khotbah agama, enyaknye Alsa pun seneng dengerin khotbah agama Islam. Sama aje kayak Alsa, kalo kagak dateng ke masjid buat ikut kajian atau dengerin khotbah agama di hari Jum'at malem, ya berarti datengnye pas akhir pekan. Nah tapi karena suatu hari Alsa kagak bisa ikut kajian, akhirnye enyaknye pun pergi sendiri ke masjid tempat biasa dengerin khotbah agama Islam. Topik khotbah agama hari entu yang enyaknye Alsa datengin, masih ade hubungannye sama topik pekan lalu alias lanjutannye topik khotbah agama yang didengerin bareng Alsa, ya entu tentang keringanan. Pade entu khotbah agama dijelasin, kalo pade agama Islam entu ade suatu syariat khusus yang namanye entu rukhshah alias keringanan. Nah katenye entu merupakan salah satu bentuk kasih sayang Allah ke kaum muslimin. Tujuannye entu adalah mempermudah kaum muslimin dalam hal ibadah atau kewajiban.

religion

8364

Ari masi pagi, tapi Doel udeh ribet benahin penampilannye depan kaca. Congornye udeh menyon-menyon aje, ngerasa si paling ganteng sejagat raye. Iye, ari ini Doel pengen ajak dedemenannye dahar di KFC. Kepengen ayam, kate ceweknye, mah. Doel, sebage lanang nyang pengertian, langsung nawarin dedemenannye buat makan bareng di KFC. Biar si wedon nge-iya-in, dibujuk lah ame Doel. Kate Doel, makanan di KFC enak-enak, dah. Ayamnye empuk, luarnye garing, tapi dalemnye lembut. Ade juge ayam nyang di-fillet ame bumbu yakiniku. Nasinye wangi, walopun sayang aje porsinye seuprit. Ade pilihan sop juge. Ade sop KFC nyang romanannye, mah, kek sop warteg. Ade juge cream soup nyang rasanye gurih-gurih lembut di mulut. Belon menu burger nyang banyak pilihannye itu. Duh, ngebayanginnye aje udeh ngiler bae enih si Doel. Akhirnye, die buru-buru ngerapiin baju ame rambutnye, terus pamit ame Enyak Babeh pengen ngapelin anak orang. Cus, Doel!

food & beverages